蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月24日

係咪單身?游蕙禎話愛情非必要:我又唔係要趕尾班車

70,900
最後更新: 0824 19:44 / 建立時間 (HKT): 0824 02:15

青年新政游蕙禎遭法庭褫奪議席後失業約半年,旁人總擔心她收入何來,幸好現時已有穩定工作,「唔想講太多費事麻煩到人,我而家維持到生計,大家唔使擔心我喇」。曾經只能靠積蓄過活,家人有否財政支援?「DQ到而家其實我只係問屋企人借過2次錢,都係解燃眉之急」,家人問及原因後便馬上幫忙,卻最令她感到愧疚,「好似自己已經出咗事,唔想又要連累屋企人。」假若以後終究破產,節省無謂支出是當然,但日常使費大概一如往常,「最重要係我唔係因為財務問題破產,而係政府夾硬要我破產吖嘛」。

相關新聞:【宣誓案上訴】終院明處理申請 游蕙禎:等開打正式戰爭

不過,縱使物欲不多,亦總有事物難以圓滿,例如希望重拾的鋼琴,「但為咗慳錢暫時冇可能學返,你知香港地學琴幾貴」,曾考獲8級卻逐漸荒廢,「中四考琴阿媽特登租部琴返嚟練,但屋企太細,擺得琴又擺唔到張枱,考完級就要還返部琴」,土地問題,原來她早已有所體會。

因不想家人再被騷擾以及方便工作,現時她已自己一個居住,終於因港人善忘特性得益,「而家啲人淡忘咗,以前係試過有記者跟蹤」。她舉例某左報記者曾到父母住處按門鈴,「阿媽一開門,個記者扮嘢話『你哋跌咗件衫呀』,件衫下面就遮住部相機」,游母嚇得馬上關門,該篇報道其後莫名形容為「被問及女兒問題時顯得憂心忡忡」。

相關新聞:周五終極判決梁游隨時賠1,200萬 游蕙禎宅女生活點過?

除了前議員和青政成員這兩個身份,她同時是一個26歲單身女性,「呢幾年係有拍拖嘅,而家識嘅人的確係愈嚟愈局限於社運圈;以前嘅男朋友都唔係社運圈,都有啲都係會留意政治議題,但慢慢傾唔埋就byebye,我唔會好局限自已喺一段關係」。父母遲婚,又叮囑她要有足夠經濟條件才好結婚,現階段不覺得愛情是必要只屬虛無,「我目標係想讀多啲書……我又唔係要趕尾班車,同埋我邊係一個人啫,我有2隻貓架嘛。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載