› 選擇地區
三藩市
紐約
洛杉磯
其他美國地區
香港 台灣 北美
 
2017年07月31日

【一地兩檢】高鐵快過飛機繼續吹!網民:違反《商品說明條例》

最後更新: 0731 17:39 / 建立時間 (HKT): 0731 11:56

【新增短片】
港府的高鐵一地兩檢方案,割讓西九站四分一土地,變成內地口岸區,由內地法院行使司法管轄權,被質疑違憲,掀起極大爭議。惟政府新聞處昨晚在facebook上載插圖,聲稱坐高鐵到廣州只需48分鐘,快過坐飛機的60分鐘,遭網民質疑隱瞞事實,屬「誤導性遺漏」,違反《商品說明條例》。

相關新聞:【一地兩檢】陳弘毅:「狹隘僵硬」理解《基本法》才覺違憲

2016年初,傳媒發現港府和港鐵一直標榜去廣州只需「48分鐘」的行車時間,原來是指極少數「直達」班次,而非絕大多數會停中途站的班次。當時至少有6名立法會議員,都被港府和港鐵標榜的行車時間誤導,以為48分鐘的車程已計及中途停站,當中包括交通事務委員會主席田北辰。他對實際車程多於48分鐘表示驚訝。

【精選網民留言】
Roger Cheng:城際直通車能夠直達廣州市中心嘅廣州東站,高鐵只能到達遠離市區嘅廣州南站,圖中數字忽略咗搭高鐵轉車前往廣州市中心需要嘅時間,即係實際去到市中心,需時遠多於48分鐘。

相關新聞:【Fact Check】前運房局長:無一地兩檢亦無損效益和高速

高鐵嘅48分鐘,亦只係不停站直達班次嘅車程時間,參考現時福田站嘅班次安排,每日由福田站前往廣州南嘅41班車當中,只有3班係不停站直達,可想而知,日後真正做到48分鐘內由西九龍去到廣州南嘅直達班次係有幾少。

Ian Benjamin Chan:你去番禺坐高鐵就48分鐘,近啲嘅海珠區、荔灣區加多30分鐘,去天河區起碼加多一個鐘,即係108分鐘。我真心唔知快咗去邊!

Bryan Chung:番禺都叫得「廣州南站」,咁其實深圳都可以叫「香港北站」架,高鐵香港段仲起來做咩先?0分重做,炸咗膠鐵佢啦。

Thomas Yeung:抵觸《商品說明條例》,而且sorry,上車已是大陸境。

Steven TK Leung:其實去北京上海武漢就有得諗,去廣州真係浪費時間。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載