› 選擇地區
三藩市
紐約
洛杉磯
其他美國地區
香港 台灣 北美
 
2017年07月26日

【一地兩檢】退休公務員斥大陸玩晒:完全掌控 反對亦不能推翻

最後更新: 0726 22:13 / 建立時間 (HKT): 0726 17:26

【新增短片】
港府公佈高鐵一地兩檢方案,割讓西九站四分一土地,變成內地口岸區,執行全套內地法例,由內地法院行使司法管轄權。退休公務員蘇先生亦指,從政治角度看一地兩檢,有種「割地」給大陸的感覺,「但冇辦法架啦,回歸咗,而家大陸玩晒架啦,選舉又好示威又好,佢畀幾百蚊請一個人嚟打你民主黨啲人。」

相關新聞:【2D睇】一地兩檢引內地來港執法 穿小熊維尼隨時拉

他指香港現時完全是受到大陸的掌控,市民反對一地兩檢亦不會推翻方案,「過多兩三年後成個立法會都係佢自己啲人架啦,北京話乜,特首話乜,跟住佢(立法會)就贊成。」蘇先生指自己甚少上大陸,不會坐高鐵北上,「即係唔中意大陸啲人,個個都食煙,過咗關一陣煙味。」

港人黃先生指,香港未到2047年,已租地給內地執法人員來港執法,是很荒謬的事,因香港有自己的司法制度,「我覺得係要尊重返(香港)法律,唔單止話我哋係中國嘅一部份,我哋就要respect中國嘅大法律,但係我哋香港係司法獨立架嘛。」

相關新聞:【動畫●一地兩檢】小心中伏!西九站睇fb變尋釁滋事?

黃先生認為,一地兩檢是開了壞先例,讓更多類似的情況可於未來出現,「包括好似割地,可能香港人唔覺,好似溫水煮蛙,每一步每一步咁樣去做嘅時候,小小唔緊要,佢都係處理一部份嘅嘢,一步一步越來越多嘅時候,其實你唔覺唔覺就已經融入咗。」

黃先生指大陸是較少言論自由的國家,「真係要注意自己嘅言行,無論喺香港好,係內地好,依家你嘅言行可能會被遣返,或者係被消失囉。」黃先生指除非坐高鐵可節省很多時間,否則未必會考慮坐高鐵北上。

另一港人張先生指,除非是長途跋涉去上海或北京,否則不會坐高鐵。張先生稱現時的一地兩檢方案就如「割地」給大陸,「如果咁多爭拗,咁多法律都搞唔清楚,其實唔需要(一地兩檢)。」

他認為一地兩檢涉及太多法律條文,且法律條文太深奧,港人未必能理解,「喺香港嘅地方,香港人喺香港嘅地方,但就要守中國人嘅法律,其實就比較難想像,我覺得香港人未必咁容易能接受得到。」張生認為現時一地兩檢引來如此大的爭拗,是否仍要繼續通行呢?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載