蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月17日

【壹週刊賣盤】張劍虹稱轉型不順利:不捨難過 我同管理層都有責

7,779
最後更新: 0717 18:00 / 建立時間 (HKT): 0717 15:23

【新增影片】
壹傳媒出版媒體行政總裁張劍虹指,上周末得悉賣盤消息時感愕然,「一直都知道雜誌係蝕緊,一直有與管理層討論方案,研究如何減少虧損,用盡各種方法令雜誌繼續維持營運。呢個都係我哋心願」。他說,過去曾研究方案包括只做網,不做紙本,以縮窄成本找新出路,「冇諗過完全唔做」。

對於賣盤是否保住雜誌的最後方法?張指,相信董事會認為雜誌賣盤,是對公司最好的做法。有同事向他反映「乾脆執咗佢啦,要咁樣賣大家都好難過」,但集團行政總裁都指,董事會要考慮小股東利益,過去《忽然1周》停刊,都有小股東質疑雜誌品牌有價值,為何不賣盤,估計董事會平衡各方利益後決定。

張劍虹說,自己在壹週刊創刊第二年加入,壹週刊最核心價值就正如創刊時的口號「不扮高深,只求傳真」,不畏強權,不怕得失權貴,亦是「老闆教落睇住讀者,唔係睇住廣告商,讀者需要知啲咩就要有勇氣講,唔好廣告商一話抽廣告就唔寫。有時報道涉及老闆的朋友,對方透過不同人同老闆講,但老闆都唔會理,只要一理,同事就唔駛做。咁多年被地產商抽廣告,再加上現在面對的政治壓力,都一直堅持,呢一樣係好寶貴」。

對於壹週刊易手後,能否保持敢言本色以及編採方針,張劍虹承認有憂慮,「響傳媒界工作咁多年,好似黎生(黎智英)咁樣,對言論自由、畀員工自由發揮空間,一直堅守嘅老闆唔多」。

對於壹週刊最終要易手,張劍虹指,壹週刊出現經營問題,廣告封殺相信是原因之一,「冇封殺可能好啲,加上智能手機發展亦係影響因素」。他說,當年雜誌蓬勃,是因雜誌是市民重要消閒選擇,「而家多咗手機,雜誌轉型亦唔順利,管理層又好,我自己都好,未能好快咁為雜誌搵到出路。虧損情況令到公司有憂慮,呢方面,我同管理層都有責任」。他說,對雜誌賣盤很難過,不捨共同搏殺多年的同事。

【壹仔賣盤】CEO張嘉聲 : 不是為錢 否則收維穩費已足夠 【壹仔賣盤】壹週刊買家 黃浩︰I'm ready to be the NEXT!! 【壹週刊賣盤】數碼轉型基本完成 CEO指有人提收購整個集團被拒 【壹週刊賣盤】CEO冀員工保留過渡:買方承諾續投資讓同事發揮 【壹週刊賣盤】黎智英公開信大罵李鵬 「IQ零蛋的王八蛋」 【壹週刊賣盤】壹工會憂難保留敢言作風 促確保員工自願過渡 【壹週刊賣盤】員工質疑背後資金 CEO代黎智英回應「契弟論」 【壹週刊賣盤】社長楊懷康:好傷感 近幾年非常艱難非一日之寒 【最新】《壹週刊》買家黃浩親自回應:我會盡力做好佢! 【壹週刊賣盤】台投審會或查股東結構 再行審批 【壹週刊賣盤】台總編談易主 盼維持踢爆精神 【壹仔賣盤】創刊27年 黎智英 : 對出售感到很傷感 【壹仔賣盤】作價5億 出售香港及台灣壹週刊予黃浩 【壹仔賣盤】壹傳媒停牌 CEO見員工交代 【編採獨立最重要】《壹週刊》賣盤!王宗堯:Wrong hole點解咁有錢 【壹週刊賣盤】總編痛心:唔只生意更係一種價值 如賣員工落妓寨 【壹週刊賣盤】呂秉權嘆內地施壓抽廣告封殺:令敢言嘅都變調 【壹週刊賣盤】記協批嚴重影響員工士氣:黎智英對紙媒不信任 【壹週刊賣盤】台《壹》十大封面回顧 最敢爆最勁爆 【壹週刊賣盤】接受黃浩牽頭財團收購 CEO:黎生是傷感的
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載