蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月30日
馬上成為壹會員

【回歸廿年】港人點睇2047?「30年後最好陸沉」

建立時間 (HKT): 0630 00:45

香港今年回歸20年,過去五年在特首梁振英的管治下,社會撕裂、港人對中央不信任日趨增加,愈來愈多港人不打算生育下一代,甚至計劃移民等。《蘋果》早前就「2047年香港會變成點?」進行網上問卷調查和街頭訪問,大部份港人均對香港未來前景感到悲觀和憂慮,有市民直言「30年後香港最好陸沉」,更估計屆時本港樓價飆升到半呎呎價200萬元,香港變成大陸化,港人失去言論集會自由,連上網也要翻牆。

相關新聞:【回歸廿年】2047大限到?法制土地業權從此無保障?

記者 張文鈴

任職文員的韓小姐說:「30年後香港最好陸沉,可能我悲觀咁睇,如果唔想陸沉嘅人就繼續努力」。她指,因政府政策未能滿足民生需要,而且社會有太多不公義,表明不會生育下一代。從事工程行業的梁先生則指,2047年香港已不是討論有沒有真普選,而是中央欽點任命特首,「名呢個一定係叫特首,但肯定實際上係市委書記」;又稱「(中央已開始)洗你血啦,內地人將香港最舒服嘅位同埋工作機會搶走唔少」。任私人助理李小姐表示,現時中央雖稱香港仍享有各種自由,惟她擔心「講講下就變成你嘅自由係我畀你,你所謂嘅自由都係我制肘之下先至有嘅自由」。

相關新聞:【回歸廿年】回到英殖時──解放軍進駐 雷電交加

有網民亦留言表達對香港2047年的憂慮,網民Peony Kwong表示,「20年已經變到依家咁嘅樣,30年後仲可以係『香港市』?(應該) 收入廣州,叫『廣州港』」;Mankee Chan認為,「唔洗等到2047(年),香港已經正在急速大陸化」;Kit Wang則指,「最希望到時中共已倒台!」另有網民Woody Ear表示,「言論集會自由?開玩笑嗎?而家都開始冇啦」;Hc Wong說:「到時(上網)連翻牆都翻唔到」。網民葉少秋則估計樓價一直攀升,「到時200萬只買到半呎(樓)」。

此外,《蘋果》亦向多名政界和名人訪問對香港2047年的看法。社民連立法會議員梁國雄表示,現在談2047年香港變成怎樣是沒有意思,因為這是一個假設問題,倒不如關心今年會變成怎樣。他指,港人不需要擔心「50年不變」後,香港會改變成社會主義制度,「我相信大陸唔會將呢套搬落嚟,因為香港係一個金融中心,要做金融中心,點可以封鎖資訊?點可以唔畀人批評政府?」

工黨副主席李卓人則指,2047年香港的情況要視乎中國變成怎樣,「中國如果繼續係專制獨裁,就要睇香港仲有冇利用價值,如果有,北京可能仲想維持香港不變」。不過,他稱對香港某程度抱樂觀,因為香港仍是一個公民社會和強自主意識,因此中共難以完全控制香港,但「我哋守得住香港,係咪攞到民主呢?我唔敢樂觀」。

佔領行動發起人之一陳健民表示,中國未來十年八年所面對的轉變都會影響香港2047年,「就係習近平用依家方法反腐係唔成功,之後會點呢?係走向更加專政抑或係自由化呢?」。他估計,若按現時的政策,相信不用2047年,香港已變成一國一制。

建制派立法會議員謝偉俊稱,香港過去20年已轉變很多,預料再過多30年,香港難以保持過去的國際地位。他說:「如果想香港繼續做國際城市,華洋雜處、中英水平、禮儀、文化好好,呢個永遠唔會再發生,因為香港唔再係殖民地,香港將會係一個華人味道重嘅地方,價值觀唔會好似97年前咁,好多嘢都已唔同咗,香港係變緊做一個內地省市」。

自由黨榮譽主席田北俊認為,2047年時可能中國十大城市已經和香港生活水平沒有分別,惟他希望香港仍有港幣、護照、法律等等。他稱,「(如果)佢哋好過我哋嘅話,仲有咩好驚?」,因當一個社會經濟發展得好,市民生活富足,資訊一定會流通;又指當市民吸收資訊多,一定不會只做順民,但不做順民也不代表做暴民反對政府,「你有腦會諗,發表意見,其實已代表自由、民主」。


97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

 何先生(退休公務員)說:「我今年60歲啦,30年後都成90歲,到時香港咪第二個中國咁囉。我提議過啲囝囡移民,不過冇錢之嘛,總之離開大陸就OK。你睇到香港依家個政府將來就好似大陸咁,你都唔想同啲大陸人一齊,始終太多文化唔同。」

(張志華攝) 何先生(退休公務員)說:「我今年60歲啦,30年後都成90歲,到時香港咪第二個中國咁囉。我提議過啲囝囡移民,不過冇錢之嘛,總之離開大陸就OK。你睇到香港依家個政府將來就好似大陸咁,你都唔想同啲大陸人一齊,始終太多文化唔同。」 (張志華攝)  伍先生(教師)說:「平時我都會聽歌,但依家趨勢係愈嚟愈少廣東歌,因為唔只係普通話,連韓國、日本文化亦愈來愈影響香港,我覺得30年後(廣東歌)應該愈來愈少,可能得返一、兩首,到時可能係諗返依家啲(廣東)歌。」

(張志華攝) 伍先生(教師)說:「平時我都會聽歌,但依家趨勢係愈嚟愈少廣東歌,因為唔只係普通話,連韓國、日本文化亦愈來愈影響香港,我覺得30年後(廣東歌)應該愈來愈少,可能得返一、兩首,到時可能係諗返依家啲(廣東)歌。」 (張志華攝)  李小姐(私人助理)說:「30年後樓價繼續飆升,相信好多香港人都死晒啦喎,同埋應該移民咗去第二度地方,冇可能咁樣升架喎,但係始終中國政府做咗好多嘢令香港中國化,相信喺呢個情況下樓價飆升係好正常,到時亦有好多香港人生存唔到囉。」

(張志華攝) 李小姐(私人助理)說:「30年後樓價繼續飆升,相信好多香港人都死晒啦喎,同埋應該移民咗去第二度地方,冇可能咁樣升架喎,但係始終中國政府做咗好多嘢令香港中國化,相信喺呢個情況下樓價飆升係好正常,到時亦有好多香港人生存唔到囉。」 (張志華攝)
梁先生(工程)說:「你睇得出不斷有講普通話或內地精英落嚟香港,就算2047嘅時候都係呢班人護住香港、統治香港,獨立個啲都唔會發生……最怕內地精英到時控制香港所有中產階段,呢個先最重要,到時香港咪變咗中國一個城市,呢個係必然架囉。」

(張志華攝) 梁先生(工程)說:「你睇得出不斷有講普通話或內地精英落嚟香港,就算2047嘅時候都係呢班人護住香港、統治香港,獨立個啲都唔會發生……最怕內地精英到時控制香港所有中產階段,呢個先最重要,到時香港咪變咗中國一個城市,呢個係必然架囉。」 (張志華攝)  梅先生(退休人士)說:「我相信主流媒體好多都已經染紅咗,根本呢幾年好多人都明白呢件事,都係網上搵資料,相信喺主流媒體嘅發言空間會愈嚟愈窄……(港台頭條、有線中國組禁播)相信會,因為依家個言論空間愈來愈窄,依家我哋回歸咗時間都冇30年,所以加多30年後空間再窄唔出奇。」

(王心義攝) 梅先生(退休人士)說:「我相信主流媒體好多都已經染紅咗,根本呢幾年好多人都明白呢件事,都係網上搵資料,相信喺主流媒體嘅發言空間會愈嚟愈窄……(港台頭條、有線中國組禁播)相信會,因為依家個言論空間愈來愈窄,依家我哋回歸咗時間都冇30年,所以加多30年後空間再窄唔出奇。」 (王心義攝) 陳先生(電訊)說:「我覺得(30年)唔會有六四晚會架啦,中共都唔死呢,就全中國包括香港攬住一齊死,係冇可能畀佢玩多30年,有人估計蘇聯70年,中共都唔會過年,2019咪就係五四100周年,中共70周年,到時大家睇下點樣。」

(王心義攝) 陳先生(電訊)說:「我覺得(30年)唔會有六四晚會架啦,中共都唔死呢,就全中國包括香港攬住一齊死,係冇可能畀佢玩多30年,有人估計蘇聯70年,中共都唔會過年,2019咪就係五四100周年,中共70周年,到時大家睇下點樣。」 (王心義攝)
馮家強(教協總幹事)說:「我覺得30年後嘅中史書仲會有六四,因為香港人都堅持咗28年,30年雖然係好長嘅時間,我希望到時唔係繼續爭取六四,而係六四已經平反咗,而我哋繼續悼念,因為呢個係我哋香港人不可以磨滅嘅歷史痕跡。」

(王心義攝) 馮家強(教協總幹事)說:「我覺得30年後嘅中史書仲會有六四,因為香港人都堅持咗28年,30年雖然係好長嘅時間,我希望到時唔係繼續爭取六四,而係六四已經平反咗,而我哋繼續悼念,因為呢個係我哋香港人不可以磨滅嘅歷史痕跡。」 (王心義攝)  黃小姐(社工)說:「個人對2047年有真普選唔係有太大希望,因為見到林鄭上場之後,其實可能好快23條立法,可能我哋行出嚟之後會受到打壓,覺得香港係愈來愈大陸化,所以唔敢講2047到時發生咩事。我覺得所謂嘅普選係有嘅,但所謂一人一票就係中共內定兩個,唔係香港人想要嘅真普選囉。」

(王心義攝) 黃小姐(社工)說:「個人對2047年有真普選唔係有太大希望,因為見到林鄭上場之後,其實可能好快23條立法,可能我哋行出嚟之後會受到打壓,覺得香港係愈來愈大陸化,所以唔敢講2047到時發生咩事。我覺得所謂嘅普選係有嘅,但所謂一人一票就係中共內定兩個,唔係香港人想要嘅真普選囉。」 (王心義攝) 羅先生(廣告行業)說:「2047年?唔好話30年啦,3年都唔敢講,唔夠膽想像,到時23條應該立咗法,係睇形式上有冇少少轉彎(空間),我諗言論自由嘅範圍會縮細好多,同大陸依家嘅城市冇分別……以後睇新聞都係網上架啦,唔會有一份印刷嘅喺街度賣,無論買定派都唔會有,《蘋果》都唔會係依家嘅《蘋果》,會慢慢向中央靠攏。」

(袁志中攝) 羅先生(廣告行業)說:「2047年?唔好話30年啦,3年都唔敢講,唔夠膽想像,到時23條應該立咗法,係睇形式上有冇少少轉彎(空間),我諗言論自由嘅範圍會縮細好多,同大陸依家嘅城市冇分別……以後睇新聞都係網上架啦,唔會有一份印刷嘅喺街度賣,無論買定派都唔會有,《蘋果》都唔會係依家嘅《蘋果》,會慢慢向中央靠攏。」 (袁志中攝)
徐先生(工程師)說:「(2047年最可能發生嘅情況?)最有可能係共產黨倒台,我覺得最重要係呢樣,無論如何共產黨應該喺2047年時候,已經完全同呢個世界背道而馳。每一個歷史、每一段統治政權,如果不能從佢錯誤中學習去改變,一定有滅亡嘅一日,我相信到時冇咗呢個共產產」。
(袁志中攝) 徐先生(工程師)說:「(2047年最可能發生嘅情況?)最有可能係共產黨倒台,我覺得最重要係呢樣,無論如何共產黨應該喺2047年時候,已經完全同呢個世界背道而馳。每一個歷史、每一段統治政權,如果不能從佢錯誤中學習去改變,一定有滅亡嘅一日,我相信到時冇咗呢個共產產」。 (袁志中攝)  陳先生(學生)說:「行政長官都係由中央任命,但可能選嘅方式有一啲改變,最根本原則都係由中央通過係唔會變……由中央任命嘅特首(我)都唔係好接受,特首基本上管治香港地區嘅人要代表到香港嘅民意,如果係香港人本身冇得選擇,即特首認受性不足,自然唔會有令人支持佢嘅感覺。」

(袁志中攝) 陳先生(學生)說:「行政長官都係由中央任命,但可能選嘅方式有一啲改變,最根本原則都係由中央通過係唔會變……由中央任命嘅特首(我)都唔係好接受,特首基本上管治香港地區嘅人要代表到香港嘅民意,如果係香港人本身冇得選擇,即特首認受性不足,自然唔會有令人支持佢嘅感覺。」 (袁志中攝)  芳姐(協助工會組織工作)說:「希望(蘋果日報)到時唔好消失啦,我哋一直由創刊睇到依家,日日都係睇呢個報紙冇睇其他報紙,起碼肯講曬我哋關心嘅嘢好似六四,(我)發覺其他報紙都冇登,但年年蘋果日報都登,依好多傳媒都有啲自我審查。」

(袁志中攝) 芳姐(協助工會組織工作)說:「希望(蘋果日報)到時唔好消失啦,我哋一直由創刊睇到依家,日日都係睇呢個報紙冇睇其他報紙,起碼肯講曬我哋關心嘅嘢好似六四,(我)發覺其他報紙都冇登,但年年蘋果日報都登,依好多傳媒都有啲自我審查。」 (袁志中攝)
 胡先生(教師)說:「我覺得keep(持)美金會好啲,之前一路都有人講用人民幣取代港幣添啦,港幣30年後唔知情況點樣,咁人民幣好多學者都話大陸經濟體系本來就好崖广,我覺得大陸未必有好穩健嘅體制,唔爆咪繼續用落去,所以我覺得keep美金會好啲。」

(袁志中攝) 胡先生(教師)說:「我覺得keep(持)美金會好啲,之前一路都有人講用人民幣取代港幣添啦,港幣30年後唔知情況點樣,咁人民幣好多學者都話大陸經濟體系本來就好崖广,我覺得大陸未必有好穩健嘅體制,唔爆咪繼續用落去,所以我覺得keep美金會好啲。」 (袁志中攝)  陳先生(保險)說:「我自己都係英國公民,後路我有,但係我成日諗呢個係我土生土長嘅地方……香港依家咁嘅情景我更加唔想有下一代,我畀到啲咩佢,依家成日都話要贏在起跑線,講真住嘅地方都畀唔到佢,一間屋住3、4個人活動空間都冇。」

(袁志中攝) 陳先生(保險)說:「我自己都係英國公民,後路我有,但係我成日諗呢個係我土生土長嘅地方……香港依家咁嘅情景我更加唔想有下一代,我畀到啲咩佢,依家成日都話要贏在起跑線,講真住嘅地方都畀唔到佢,一間屋住3、4個人活動空間都冇。」 (袁志中攝)  柯小姐(大學生)說:「(30年後香港)應該會好亂,好多大陸人……都擔心(全街講普通話)其實依家行成條街嘅人都係講緊普通話,呢個現象已經愈嚟愈普遍……如果你話普通話都仲可以,但變成簡體字就冇道理囉,因為用開繁體字就應該堅持用返繁體字,唔應該話要遷就佢哋。」

(袁志中攝) 柯小姐(大學生)說:「(30年後香港)應該會好亂,好多大陸人……都擔心(全街講普通話)其實依家行成條街嘅人都係講緊普通話,呢個現象已經愈嚟愈普遍……如果你話普通話都仲可以,但變成簡體字就冇道理囉,因為用開繁體字就應該堅持用返繁體字,唔應該話要遷就佢哋。」 (袁志中攝)
 鄭小姐(社工)說:「(30年後)都唔知變成點,我覺得(香港)好多嘢都倒退緊,政府啲官質素又好差,行政、立法同司法都好差,因為以前都唔係咁……我擔心唔係剩係23條立法,23條立法當然唔好啦,我擔心嘅係唔需要有23條,都已經同有23條差唔多,我覺得個社會係演變緊咁樣,所以我驚。」

(袁志中攝) 鄭小姐(社工)說:「(30年後)都唔知變成點,我覺得(香港)好多嘢都倒退緊,政府啲官質素又好差,行政、立法同司法都好差,因為以前都唔係咁……我擔心唔係剩係23條立法,23條立法當然唔好啦,我擔心嘅係唔需要有23條,都已經同有23條差唔多,我覺得個社會係演變緊咁樣,所以我驚。」 (袁志中攝)  雷生(50歲):「30年後如果都係150人嚟香港,咁計數計到有過百萬嘅內地人嚟香港,而佢哋帶住嘅係咩文化嚟?唔係本土成長嘅文化嘛。呢個唔係30年後翻天覆地,應該係由香港回歸中國之後一路慢慢演變緊。依家已經唔係左行右企啦,啲人行右邊,呢個已經好清晰睇到,因為好多內地人唔係左行右企。」
(楊桂銣攝) 雷生(50歲):「30年後如果都係150人嚟香港,咁計數計到有過百萬嘅內地人嚟香港,而佢哋帶住嘅係咩文化嚟?唔係本土成長嘅文化嘛。呢個唔係30年後翻天覆地,應該係由香港回歸中國之後一路慢慢演變緊。依家已經唔係左行右企啦,啲人行右邊,呢個已經好清晰睇到,因為好多內地人唔係左行右企。」 (楊桂銣攝)
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載