蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月09日

【佢都係藝術家3】狂迷ViuTV 女畫家將節目變油畫

4,763
建立時間 (HKT): 0609 07:00

「夜曲13、糕下立見,96台ViuTV呀!」敏敏(陳詩敏)一邊說,一邊用藍、黃、紅色顏料繪畫電視節目標題。敏敏今年34歲,患有輕度智障和自閉症。教她畫畫的王Sir (王建衡) 提起她的作品,也暗自讚嘆:「我冇諗過一個藝術家嘅主題可以係ViuTV,而且出嚟又真係幾吸引。」
記者:馮樂婷 攝影:李錦鏵、黃文邦、彭志行 剪接:魏利民

訪問當天敏敏穿了深藍長裙,上面有未乾的顏料污漬。她手拿調色盤,眼睛卻停留在電腦上播放的ViuTV —— 她是電視迷,最愛看ViuTV,男神是崔建邦,女神是財經主播陳佩兒。

兩歲仍未懂說話,檢查後證實敏敏有輕度智障和自閉症,於是她從小穿梭特殊學校、訓練中心和庇護工場,過著一般智障人士的生活。直至偶然在興趣班被發掘畫畫天份,經老師推薦參加由東華三院主辦及嶺南大學視覺研究系協辦、以殘疾人士為對象的「愛不同藝術」課程,讓她踏上了創作之路。

「我覺得佢真係一個天生畫畫嘅人。佢揸住顏色就知道喺幅畫邊一個角落,佢想要啲咩嘢。」課程導師王Sir說她畫畫不用起稿,而且很快便懂得混色;其畫作不但色彩繽紛,更多數是大型作品。「大到我哋冇錢再買咁大幅畫布,索性俾牆佢畫。」據籌備課程的「愛不同藝術」團隊成員魏貝妮講,在東華三院賽馬會復康中心就有三幅敏敏的壁畫。不單止有天份,敏敏學藝也不馬虎,「佢有本橫間簿,然後就寫『星期二回來畫兔仔,星期四要開始畫花……』啲功課都係佢自己俾自己。」在貝妮眼中,這儼然是藝術家的創作日誌。

除了課堂筆記,日誌裡還有她自發搜羅的創作題材。「佢會自己用電話影低,再做資料搜集,甚至叫家姐上網cap 圖,印出嚟做畫畫參考圖。」 提到這些參考圖,貝妮和王Sir不禁會心微笑 —— 原來敏敏的創作靈感都來自電視節目,那些場景、主持、標題畫面,都成為她畫中的主角。

「嗰排好多新聞講ATV就執,但佢熱愛ATV,有人講ATV唔好嘅嘢佢就會好嬲。」外人也許覺得啼笑皆非,但王Sir當時卻十分擔心:「因為睇個勢佢真係就嚟執。」後來ATV果然關門大吉,令敏敏一度陷入創作低潮;不料ViuTV緊接開台,《霏雲闖蕩》、《活匠當下》、《糕下立見》等節目帶來新衝擊,令她思如泉湧,更勝從前。「ViuTV好似打開咗一扇窗,佢對電視嘅熱愛更加呈現喺佢作品裡面。」王Sir直言,没想過藝術創作可以如此「貼地」。2016年,敏敏完成三年課程正式畢業,至今仍持續作畫,興致不減。

其實何謂「藝術家」?敏敏創作力無窮,而且動機純粹,應該稱得上藝術家。那麼,何謂「正常人」呢……?

「雞蛋兩隻、糖50克、朱古力粉60克……」烘焙工場內,敏敏正全神貫注量度「QQ波」(麻糬麵包)的材料。她正職是麵包師傅,一星期五天在iBakery的工場上班,月入四千多。她最拿手造迷你腸仔包、火腿包、QQ波和午餐肉包;記者嚐過她的QQ波,鬆軟,且甜度適中。「今日敏敏嘅工作表現非常之好呀,由麵粉做到出爐都係佢自己負責。」烘焙導師文師傅 (吳仲文) 大讚敏敏細心、要求高,很放心將工作交給她。

每朝獨自迫地鐵上班,閒時喜歡逛街購物,敏敏的生活與一般女生無異。即使輕度智障兼有自閉症,有時會鬧情緒,有時又自言自語,但這又有那麼「不正常」嗎?「自閉症特色令佢有好重複嘅行為或者自言自語;特別敏敏能力高,佢會喺社企工作,就要好辛苦咁改變自己去迎合大圍標準。」作為敏敏的朋友,貝妮亦替她感到無奈。「如果我哋話有自閉症特色嘅朋友好奇怪,其實可能佢哋都覺得我哋不停望手機好奇怪。」

敏敏參加的「愛不同藝術」課程,正希望把學員當一般藝術家看待:既給他們辦展覽,也安排出售畫作;有專業藝評人看到作品,也主動撰文品評。最近,敏敏有機會為雪糕品牌畫宣傳品,屆時大家在街上看到她的大作,又會用甚麼眼光看待?

想知道藝術課程如何為敏敏開闢創作之路?請收看另一則動新聞:
【佢都係藝術家2】參考大學課程 為智障人士而設的「藝術系」http://hk.apple.nextmedia.com/realtime/news/20170608/56797272

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載