蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月22日

【八方相當年】窮到無錢開飯 蔡耀昌賒過米又穿膠花

13,931
最後更新: 0522 16:12 / 建立時間 (HKT): 0522 05:31

每逢六四前夕,支聯會副主席蔡耀昌老是常出現,呼籲大家不想回憶,未敢忘記,將平反之火薪火相傳,但查實呢位大學時代因為八九民運熱血沸騰嘅年輕人,高中時無乜政治意識,感性之男原來係數理人,會考三個A包括數學,仲係中大首屆中六暫取生。

50歲人稱九哥嘅蔡耀昌有三個家姐一個細佬,父親喺佢七歲時過身,由媽媽獨力擔起頭家。小時家住慈雲山公屋,九哥話屋企試過窮到要去米鋪賒米,亦因為無錢,會去鄰居處幫手穿膠花,「即做即磅(水),買個飽,整個餸,都頂到一陣」。當鋪亦係經常流連地方,「家啲人知唔知乜係舉嘢?」

中學就讀保良局第一張永慶中學,九哥話中學時代比較文靜,對運動唔多有興趣(佢都補充句係好渣!),中六參加青協搞嘅義工訓練活動,試過喺葵青區幫手做問卷調查,「好記得當時喺黃昏時候喺地鐵站收到份報章《號外》,講中英聯合聲明草簽,嗰時都唔知份聲明係乜,對談判亦無概念」,當日正正係1984年12月19日。

九哥會考3A、2B、2C,好成績令佢1985年成為首屆「暫取生」,到中大主修數學、副修社會學。而佢細個嘅志願查實同數學無關,最想做社工,「細個時慈雲山環境好複雜,好多身邊人都入咗黑社會,我去球場都成日俾人逗,咪學返句『詩』嚟拋返人(呢度所指嘅『詩』,江湖打滾嘅人應該明嘅……),所以都好想幫返呢啲人。」

畢業後投身社運,同讀嘅嘢根本無關,佢話大學之初入咗國是學會,86年上莊做福利幹事,87年做副會長(當年會長係蔡子強,而那些年嘅蔡子同家有乜分別,睇相就會知),之後佢搞過無數抗爭遊行,特別記得89年5月17日組織遊行聲援北京學生,一朝早就被灣仔警區指揮官急call ,「佢唔想我哋遊行去軒尼詩道,話好多金鋪好危險,車埋我同陶君行去禮頓道site visit;嘩,果度人跡罕至鳥語花香,環境唔錯㗎,但我哋梗係唔制,叫佢快啲車返我哋去維園準備集合

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載