› 選擇地區
三藩市
紐約
洛杉磯
其他美國地區
香港 台灣 北美
 
2017年05月21日

【UGL醜聞】馮煒光重複share網誌去埋梁繼昌fb洗版 梁粉幫口辱罵

建立時間 (HKT): 0521 17:21

特首梁振英被揭發曾與民建聯周浩鼎「打龍通」,修改立法會UGL專責委員會調查範圍的文件,周浩鼎最終被逼辭任委員。梁特連反咬正被他告誹謗的專業議政梁繼昌,指梁繼昌也應辭任委員。梁特今日藉網誌出公開信予梁繼昌,自辯兼鬧人,再轉貼在自己fb,而新聞統籌專員馮煒光即撲出來護主。馮煒光在自己個人fb多次重複share梁特網誌,下午起近乎每小時分享一次,更去梁繼昌fb留言洗版,貼了至少2次梁特網誌cap圖。另外,有一名網民「陳嘉偉」更在梁特fb留言指「支持CY打倒雞昌,雞昌識做嘅快啲自動消失,否則吃不了兜着走!」

相關新聞:【UGL醜聞】被斥包庇阿鼎不堪 譚耀宗遭圍攻不忿:話我一把年紀?

有網民忍不住在馮煒光fb留言,「知喇知喇……但使唔使每10分鐘share一次?」、「無人睇就無人睇啦」,馮煒光竟親自回應:「放心,大把人睇。至少梁議員會睇」。

梁繼昌日前在自己fb轉貼有關UGL事件的新聞,獲不少網民留言支持,但也有網民叫他辭職。梁繼昌後來留言稱「謝謝各位支持和關心!」今早馮煒光「踩場」留言指「梁議員好野,躲避記者,又有自省」,之後再指「黃絲的絕望真相---佔中財務資料」。但當網民Kerwin Kwok回覆反駁指「2月4日 梁繼昌已經係委員會,3月7日,梁振英先提告。若果有利益衝突,係咪所有犯係比人審個陣都可以告法官,令到冇人審佢?」馮煒光即潛水,至傍晚仍未敢回應。

相關新聞:【UGL醜聞】譚耀宗「金句」護鼎:每個人都試過講錯嘢

梁繼昌今天不會回應梁振英言論。據了解,他明天會召開記者會回應。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載