蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月21日

【回歸廿年】李柱銘堅信「民主回歸」是港唯一選擇

7,737
最後更新: 0521 18:18 / 建立時間 (HKT): 0521 00:02

自80年代開始,民主黨創黨主席李柱銘一直主張香港民主回歸,雖然香港回歸廿年仍未見真普選,李亦曾有過氣結、悲觀的時候,但到今天仍堅信民主回歸是香港唯一選擇,若非港人一直堅持爭取民主,香港已變成澳門。面對香港遲遲未有真普選,李認為責任在中國未有遵守承諾言,呼籲中共領導人糾正過去廿年對港政策的錯誤,「應該行返鄧小平個初衷,要信香港人,若果你唔信香港人,咁點行一國兩制?」

■82年提港獨遭京官反對

1985至89年曾任基本法草委的李柱銘接受本報專訪,談到香港落實一國兩制、高度自治情況,是否與當年預想落差很大時,形容自己在起草《基本法》期間,一直對香港情況感樂觀;至89年六四事件後,才開始對香港前途感到暗淡,並在香港回歸當晚感到氣結,「民主配套香港齊晒,點解要等咁耐先有民主?我條氣好唔順」。

問到回歸廿年後,是否仍覺民主回歸是香港唯一選擇時,李透露1982年他與已故全國人大香港區代表廖瑤珠帶領一班專業人士訪京,他記得當得時與港澳辦副主任李後、秘書長魯平討論香港前途問題,他當時提過港獨可能性、亦有在座人士提「主權換治權」方案,但全遭京官強烈反對,最終不歡而散,「獨立我講過㗎,但知道唔得吖嘛,佢哋(中共)唔肯」。

李又指,當年82年,未到97年,「如果我哋搞革命,要先打英軍,英軍唔夠打,解放軍實嚟幫手,咁我哋點打?根本諗都唔使諗,所以(港獨)根本係做唔到嘅嘢嚟」。

他坦言,過去廿年一直自問,除民主回歸外,有否其他更好的路線,但得到的答案是:「家再行返轉頭,我都係呢條路。」李又回想2014年傘運爆發後3日,曾被一名女大學生流淚質問他,為何當年他要接受一國兩制,未有推動港獨和搞革命,「我話如果你哋真係想革命,唔應該賴我哋,因為革命隨時可以做,但我會勸你唔好做,因為係做唔到,我問佢可以點做,佢答我唔到,佢哋都冇方案」,又指現時所謂港獨,亦只是流於「講獨」,根本沒實質內容。

對於有人主張香港自決,李認為讓年輕一代討論2047後的香港前途並無問題,「自決唔一定係獨立,點解畀年輕人講吓都唔得?」對於香港民主前景,李稱保持謹慎樂觀態度,認為習近平不會持續極左路線,亦對香港年輕一代有希望,相信香港2047年前已落實真普選,「(民主)嗰啲果籽已經喺年輕人腦海入面播咗,點可以話失敗?」

記者 林俊謙


97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載