蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年04月26日

【李八方online】自由黨商界一票王 加入林鄭熱廚房?

7,394
陳浩濂年紀輕、學歷好又有選舉經驗,唔知會唔會被林鄭新班子睇中?蘋果日報
建立時間 (HKT): 0426 16:44

林鄭當選一個月,據知三司十四局人選,仲未齊到腳,至於局長之下嘅副局長同政治助理,毋須七月一日同時上任,仲有時間稍後慢慢搵,但唔少黨派已經向咗林鄭推薦心水名單,除咗民建聯同經民聯等,亦包括現時由張宇人任主席嘅自由黨。

官場中人原先仲以為,自由黨會推薦返教育局前政治助理楊哲安,但最終副局嘅推薦人選卻係喺啱啱過咗嘅選委會中,喺商界一勝出做票王嘅中西區山頂選區議員陳浩濂,推薦原因係佢有選舉經驗又在商界打滾過,而官場以致政界同佢接觸過嘅人,都讚佢勤力兼理性,評價不俗咁噃!

今年40歲嘅陳浩濂係港華舊生,係密西根大學經濟學(榮譽)及心理學學士,佢2011年擊敗公民黨陳淑莊做區議員,2015年連任,啱啱過咗嘅立法會選舉,喺商界一挑戰經民聯林健鋒,新丁嚟講算係高票落敗。

八方問過陳浩濂,係咪獲薦加入政府?佢話現時唔方便就黨方嘅推薦名單,包括自己係咪上榜而作評論,重申現階段會專注以區議員身份服務山頂居民,同時喺總商會嘅委員會同政府中小企委員會服務商界,當然啦,都會做好喺投資銀行作為董事總經理嘅工作嘅。

咁願唔願意加入去廚房呢?佢話一如去年參選立法會目的,考慮以不同方式、並以自己專長同努力服務香港,大家有冇從中參透到玄機?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載