蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月31日

【寵寵欲動】開咪教人養狗改運 李居明吸嬲網民向通訊局投訴

36,792
最後更新: 0331 23:39 / 建立時間 (HKT): 0331 14:12

【新增影片】
風水師李居明上周六在商台節目《潮爆開運王》中開咪教聽眾養狗改運,被關注動物權益人士炮轟他視動物為生財工具,蔑視生命。幾名「香港動物公義」成員今早更到商台抗議,要求李居明道歉。

上周六一名女聽眾致電節目,稱自己與父親關係不好,李居明就指她的出生年月日五行「水多缺土,瀉走晒啲金」,建議她「養隻狗就乜鬼運都返晒嚟,原來你需要養隻狗咋!陰功!」女聽眾問可否借他人的狗,李居明反批「唔借得!要自己儲錢買」,並更多次追問對方「快啲養隻狗仔就搞掂,養隻狗你得唔得啫?」女聽眾則連番稱「得得得!」

節目另一主持江美儀更「提醒」聽眾要養啡色的狗,雖然她亦至少三次建議「可以去領養啦!好多唐狗都係啡色㗎!」惟李居明到最後仍強調女聽眾應該自己「投資」養番隻狗。

李居明的建議惹來不少市民反感,有網民批評他導人迷信,更擔心該名聽眾若聽從他建議養狗,最終沒有轉運就可能造成多一宗棄養悲劇,更有網民稱李曾指某藝人不宜養狗,竟叫對方棄養。香港動物公義批評李居明的講法是蔑視生命,將向通訊事務管理局作出投訴,並要求李居明道歉。

【網民咁講】
Zoe Sui Pang:如果土過剩,咪要扔咗啲狗囉?!
Amos Lau:唔好攞啲動物生命嚟玩啦。
June Hung:條友離晒譜,記得有一集佢話狗唔利唯唯,叫佢棄養,又另一PK!
Wins Wong:呢條友節目話某人連任機會好大,結果呢?
Shanice NG:同淫棍叫人性交改運有咩分別?

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載