蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月22日
馬上成為壹會員

【巴西黑心肉】旺角街市凍肉店仍有售 超巿預先包裝產品冇標產地

建立時間 (HKT): 0322 15:54

巴西黑心肉席捲全球,香港是最大進口地,食安中心日前公佈即時禁止所有巴西冷藏及冰鮮肉類及禽肉進口,但已流入巿面的仍可銷售。旺角兩個街市及多間凍肉店仍有巴西凍肉出售,旺角其中兩間超市則未見有標明來自巴西的凍肉,不過,超市內預先醃製及包裝的雞翼及扒類等則未有標明產地。習慣購買凍肉的市民則表示暫停購買巴西凍肉,留意產地及轉買新鮮肉,餐廳食客則表示外出食飯無法得知餐廳食材來源,避無可避,唯有少吃肉類。

相關新聞:【巴西黑心肉】高溫煮唔走毒素 可致嚴重腸胃炎

旺角花園街市政街市多檔出售凍肉,其中有凍肉檔標明雞、豬、牛等皆來自巴西,檔主顏生指現售的凍肉無問題,港府有做好把關工作,「呢啲無事嘅,(港府)叫落架咪落架囉」。街市售賣本地新鮮肉的檔主梁太指,巴西黑心肉事件發生後,今日比平時少人買肉,人流下跌,「啲人唔落嚟街市買嘢,驚吖嘛,啲人咩都唔食啦」。旺角露天街市內的多間凍肉店仍出售產地巴西的凍肉。

旺角Market Place及惠康則未見標明來自巴西的凍肉,但有不少預先醃製及包裝的凍肉包括豬頸肉、牛扒、雞翼等不標明產地,令人難以知悉凍肉是否來自巴西。

相關新聞:【巴西黑心肉】凍肉商會斥一刀切禁輸港 引起不必要恐慌

市民鄧小姐坦言是買凍肉的常客,她表示會暫停購買巴西凍肉,直至政府公佈巴西凍肉安全才再買,「都唔使以後唔食嘅,食住美國先囉;或者食少啲肉健康啲」,她指不會購買未有顯示產地的凍肉,「我唔買無產地,要睇產地先買」。

市民陳小姐表示本身少買急凍肉,但今後不會再買巴西凍肉,「唔會再買呢啲肉類,多數買新鮮」,她表示新鮮肉較貴,「以後要使多少少,要使多三四成,點都有啲影響(開支)」。

市民何太表示多數買新鮮肉,今日買急凍肉只是以備不時之需,但亦會選擇購買產地來自美國的凍肉,避免購買巴西黑心肉,「暫時唔買,都會提高警覺」,雖然巴西凍肉偏平,但她指轉為只購買新鮮肉或其他產地的凍肉亦對開支影響不大,「影響唔大,差唔多價錢;(凍肉)都係食雞翼多,但可以唔食雞翼」。

旺角部分茶餐廳皆稱沒有採用巴西凍肉,多數採用內地肉,並指政府禁止巴西黑心肉進口對餐廳沒有影響。

食客呂生表示外出食飯為主,一般無法得知餐廳使用的肉類產地,無法知悉的情況下進食巴西黑心肉亦不足為奇,「(食咗)都唔係好驚,出街食都食咗咁耐,就算餐廳有用,都唔會察覺到,就算問都唔會如實答你,又無理由唔食肉」,他指以後減少外出用餐,亦會多提醒家人買餸時注意肉類產地,「如果市面仲有得賣,留意番原產地」。

食客盧生亦表示外出食飯為主,但本港茶餐廳以碟頭飯為主打,他表示以後亦會少食為妙。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載