› 選擇地區
三藩市
紐約
洛杉磯
其他美國地區
香港 台灣 北美
 
2017年03月17日

【特首選戰】唔認林鄭係「朋友」 曾俊華:無諗過會輸

最後更新: 0317 15:00 / 建立時間 (HKT): 0317 10:16

【新增影片】

相關新聞:【特首選戰】最新民調出爐!曾俊華民望繼續領先

特首選舉決戰在即,人氣高企的候選人曾俊華接受《都市日報》專訪時對自己被外界「睇低一線」,仍甚有自信稱:「我根本冇諗過我會輸,如果你諗住輸,為乜去參選?冇一刻諗過輸!」他承認目前在打「逆境波」,「但呢個係啱我嘅打法」。

曾俊華是今次選舉中唯一一個候選人能同時獲得建制和泛民選委提名,不過他承認3月26日決戰當天無信心能全取泛民327張選票,「因為好多比較極端嘅泛民唔會支持我,我一向都係喺唔同黨派政治光譜嘅中間。」他分析指自己必須取得至少300張建制選票,近日亦積極向不同界別選委拉票,「1,194個選委都打過電話,有啲打多過兩次。」

相關新聞:【特首選戰】夫兒拒棄英籍 林鄭候選資格爆爭議

過去多場選舉論壇和座談會,曾俊華都被對手林鄭月娥批評他在任財政司司長時「撥款不到位、欠缺領導能力」,更大踩他無聆聽商界心聲,曾俊華回應稱批評別人並非自己風格,部份批評更有誤導成份,「呢幾個月我喺唔同場合,從來都唔會話佢冇做呢樣、冇做嗰樣,(批評)呢個係冇乜好處,反而講吓我做過啲嘢更有建設性。」

過去共事的同事,如今在選戰中對疊,華被問到與林鄭的關係如何時,他只稱「係專業關係,我又唔打麻將同橋牌」,記者追問他會否視林鄭為朋友,他稍頓片刻後仍只重申「係專業關係」,笑稱自己在梁振英班子中仍有不少朋友,但為免對方「唔方便」拒絕開名。對於林鄭諷刺他是「鍵盤戰士」,他則反駁「我落區嘅次數,我覺得肯定多過其他候選人。」

對於自己支持度一直大幅拋離林鄭,但仍有機會在今次選舉中落敗,是否反映小圈子選舉的缺陷,曾回應稱「呢個就係反映香港人嘅智慧,佢哋好明白呢啲事情,亦有一個好強嘅現實感。」他又稱參選就要認同該選舉制度,「睇吓美國選舉,贏最多票嘅都當選唔到總統。呢個視乎制度,我參加呢個選舉,亦要認同呢個制度,就要跟制度、遊戲規則去做。」

一旦落選會否願意加入對手林鄭或胡國興的管治理子,曾笑稱「呢啲都唔係唔可以考慮嘅,但我都相信佢哋都冇咁大興趣。」他一再重申,自己上台應能減少社會出現「撕裂2.0」機會,反觀對手林鄭一早表明會延續梁振英的施政路線,「市民就會諗佢(林鄭)會否好似CY咁樣,過去4年半社會撕裂係非常嚴重。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載