蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月28日
馬上成為壹會員

【特首選戰】579提名民主派一票都冇 林鄭:唔係我問題

最後更新: 0228 20:28 / 建立時間 (HKT): 0228 09:30

【更新:新增內容】
早於今早遞交提名正式報名參選特首的前政務司司長林鄭月娥接受電台訪問時透露,目前所得提名票數超過400張,「可能係400到600之間」,其後再改口稱會應獲得「超過500個提名,「大概500到600,應該唔會過半」。

相關新聞:【夢熊出冊】曾俊華與魔鬼交易?一句KO不獲任命論

林鄭承認幾百張提名票中,並無任何來自民主派的提名,但稱「呢個唔係我問題,係佢哋配票策略問題」,指自己與民主派選委會面時,「事後佢哋都話會面都幾有用,覺得我幾誠懇」,希望自己發表政綱後,能再與泛民選委再會面,指明白民主派選委是想讓更多人入閘加強競爭。

林鄭指,過去自己極少要求中策組提供協助,直指過去多年來,「中策組透明度唔係好高」,令市民不太認識有關工作,工作性質上應該作出「根本改變」,將過去由討論性質,變成為行動型「新組織」,希望將中策組「由一個黑箱變成透明箱」,要有公眾參與。問到會否由中策組高靜芝先審核加入政府人士身份時,林鄭直指「唔係好需再有第三者參與呢個工作」,指政府的政策局和有人才庫已能推薦人才給政府採用。

相關新聞:【夢熊出冊】林鄭好打得?「本世紀最大謊言」

問到是否有信心自己得票會比現任特首梁振英的689票還要多,林鄭稱到投票時當然希望得票「愈多愈高」,不諱言未有普選下,現時當選都要靠選票,亦要靠民望令未來五年施政較順利,稱自己參選至今「無乜壓力」,「比我過去喺政府時輕鬆好多」。

問到民主派力主「反西環操控」,尤其不滿中聯辦全力為林鄭助選,林鄭反指「今次選舉我係靠自己努力」,稱1月16日辭職後已見過全部38個界別選委、進行逾100場會面和多次政策討論「說明我係靠自己努力」,重申中聯辦表達支持她的立場「呢個係我控制唔到」,又指今次選舉中很多其他機構,包括傳媒「都有立場做緊自己嘅工作啦」。

對於中聯辦主任張曉明早前批評有人更改政綱是「無擔當」表現,林鄭即不點名暗批對手曾俊華,指政綱一定有修改空間,「不過如果個修改係令到原本立場南轅北徹,咁就畀人感覺係無乜立場、搖風擺柳,所以修訂同一個直情反轉咗嚟,而且畀人感覺反轉咗個立場係有一啲目的,我相信感覺就唔係好好囉」。問到有關言論是否針對曾俊華時,林鄭即笑稱:「我無針對任何人」,指只是說修訂政綱是正常,但不應將自己的立場「反轉」。

林鄭再不點名暗批評建議就全民退保重新諮詢的曾俊華,指她的政綱並無提及要再研究全民退保,因經過長時間討論,政府和她作為扶貧委員會主席都對退保可持續性、幫助最有需要長者方面有立場,「如果去到選舉時,就唔記得哂呢啲立場,話『唔係呀,可以做全民退保』,呢個就唔係我風格」。問到是否因為她主理扶貧工作所以「無轉身空間」,林鄭否認,指「都唔係,我做我信嘅嘢咋,你都識我咁多年啦,我一定要我自己信嗰樣嘢,我就會全心全意去做啦,但我唔係好信嗰樣嘢,要做樣嘢為咗某啲政治目的,我就真係有啲困難」。

問到是否認同應該先通過政改,才推行廿三條立法,林鄭指「今日係唔應該、亦都難以有呢種先後睇法」,指廿三條立法是保障國家安全,「國家安全即係香港安全,香港安全即係我地香港市民安全」,指現時世界很亂,有些地方有恐怖主義和種族問題,「難保有一日去到一個情況,呢件事(廿三條立法)變得好緊要」,指若屆時未做完政改,是否仍堅持未做普選,所以不就廿三條立法,「呢個講法係講唔通」,所以強調要審時度勢。

至於如何才算有條件為廿三條立法,林鄭指只能講自己會努力為推動政改和廿三條立法營造有利環境,現時難以定下客觀標準。林鄭又指,有人認為應考慮是否要在立法前,先要建制派在立法會擁有一定議席,「都係不切實際」。

林鄭認為,不論誰人做特首,首三年都是面對現已組成的立法會,她希望盡最大努力,按情況推行管治新風格、新角色,令社會氣氛更和諧,包括定期與各黨派溝通,指自己過去四年半,都以政務司司長身份成為行政立法的和解者和橋樑,局長和議員過去出現衝突,都會找她負責行政立法關係,「政府有時讓步,有時請議員將就吓,呢啲工作我都做慣」,希望未來可以減少出現前日公佈政綱遇到的示威衝突。

【夢熊出冊】曾俊華與魔鬼交易?一句KO不獲任命論 【夢熊出冊】林鄭好打得?「本世紀最大謊言」 【夢熊出冊】評梁特獲升遷:令計劃落馬前做緊政協副主席 【夢熊出冊】讚曾蔭權器量大 批梁特「走狗烹」 【夢熊出冊本刊專訪】Part1梁振英斷送我政治生涯 【689升呢】做政協副主席係冇得連任「安慰獎」?梁特:兩者冇關係 【特首選戰】唔過半數!林鄭報名交579提名 晚上獲確認候選資格 【特首選戰】胡國興179張名單全面睇 社福界1選委提名無效 【特首選戰】林鄭避示威走後門交表 阿牛送「689接力捧」贈慶 【特首選戰】施永青指難保有建制暗票助曾俊華當選:中央會很被動 【夢熊出冊】尖啤話患難見愛情偉大 嘆建制僅2人探監有黨性無人性 【特首選戰】「姐姐」葉劉如墮馬會招攬埋班?林鄭:太早喇! 【特首選戰】林鄭盡擸6界別提名 10界別一票都冇 【特首選舉】跟李嘉誠唔提名?逾200提名票未浮面 【特首選戰】林鄭走票 李氏父子王冬勝齊唔提名 【特首選戰】林鄭提名名單全紀錄 工聯會民建聯留一手? 【八方剝花生】太遲公佈政綱 令林鄭港九區會零提名? 【八方剝花生】李少光逆流提名葉劉 果然係真正好朋友 【八方剝花生】唯一IT選委唔提名 原來係公民黨陳宇明 【特首選舉】入閘最後倒數 葉劉嘆當初諗對手僅梁特滿有希望 【689升呢】政協副主席職級高過特首 月薪僅及30分之一 【特首選戰】金庸館開幕 政壇「令狐沖」遇上「東方不敗」 【特首選戰拆局】長和系睇誠哥頭唔提名 多個地產商押注林鄭 【八方剝花生】廠商會有位情義哥 沈運龍堅持撐葉劉 【特首選戰】中聯辦拉票似追人借錢? 劉鳴煒:滋擾乞人憎 【特首選戰】葉劉寸工聯會「做戲」 薯片叔溫提奶媽多爭泛民票 【夢熊出冊】為葉劉抱不平 嘆盡忠為國仍被拒入閘選特首
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載