蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月18日
馬上成為壹會員

【特首選戰】何柱國寸薯片得把口:我做財政司叻過曾俊華

建立時間 (HKT): 0218 11:27

全國政協常委何柱國出席無綫節目《講清講楚》時,被問到上屆特首選舉時,何柱國表明梁振英不適合做特首,擔心他走民粹主義「派錢」,而曾俊華過去經常被人批評理財保守,不肯花錢。何柱國坦言,曾俊華的理財理念較適合商界,「對佢好滿意」,但「一個人識得踩單車,同揸跑車係唔同,全面性唔同」,更自言「你今日要我做財政司,我一定叻過曾俊華,叻過唐英年,但你叫我做特首,咁多範疇,我無本事,又要房屋,又要民生、養老,乜嘢乜嘢」,認為林鄭月娥工作經驗全面,較具備當特首的能力。

相關新聞:【特首選戰】林鄭稱若當選不會拜訪中聯辦 強調吳克儉非從屬政務司長

對於曾俊華表示任內重啟政改,以及就《基本法》23條立法,何柱國質疑「得個講字」,「政客好多係講之嘛,你睇每人嘅政綱,美國個政綱嚇到你,幾十頁你睇都睇唔晒不完」。他認為23條是否適合時候推行,這是特首責任,如果不是適合時候推出,無論如何都是輸,「你做嚟做咩嘢呢?你今天寫張空頭支票出嚟,你做唔到講出嚟做咩,他要諗清楚,唔係寫出嚟,聽日錯咗,我聽日又改過一份」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載