蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月21日

碌柚葉洗車新玩法 做埋蒸焗架車會有碌柚味?

8,850
《洗車俠》獨家推出「碌柚葉泡泡洗車」和「碌柚葉蒸籠」服務,令全車內外都充滿柚子清香。 (朱永倫攝)(蘋果日報)
建立時間 (HKT): 0121 07:00

俗語有謂「年廿八洗邋遢,年廿九洗碌柚」,一眾車主今個農曆新年有福了!有洗車及汽車美容公司在新春期間獨家推出「碌柚葉泡泡洗車」和「碌柚葉蒸籠」服務,全車內外都充滿柚子清香,實行新年行大運!

由杜振康(Leo)研發的手機應用程式《洗車俠》,專為車主提供O2O(Online to offline)上門洗車及汽車美容服務。他表示,洗碌柚葉是傳統中國「去衰運,帶嚟好運」的做法,以往多數用來洗澡,較少用來洗車。因此,他與本地護膚品牌合作自家製「碌柚葉味洗車液」,並於本月初推出,短短兩星期的反應比預期中好,暫時已接獲20多宗訂單,「當初都未入咁多貨去做碌柚葉(洗車)服務,結果每日都有好幾單」。

他預計,臨近農曆新年服務需求愈大,「通常大家都趕係農曆新年前洗車或者汽車美容service(服務),所以都預期係農曆年前一個禮拜,年廿七八係會最多人order(訂單)」,惟人手有限,同時應付需求,所以碌柚葉洗車服務會延至正月十五(2月11日)。他說,只要車主在其網站或手機App選擇「深層清潔」上門洗車服務,就會免費升級「碌柚葉泡泡洗車」,而選用任何專業上門打蠟或鍍膜套餐,更額外加送「升級版碌柚葉蒸籠服務」,令全車散發柚子清香,收費由600元起。

另外,《洗車俠》亦培訓退休長者進行上門洗車服務,助長者重投職場。Leo坦言,洗車業和汽車美容人手短缺和老化,希望願意而身體健康的長者可以繼續工作,應付市場需求。他稱,現時有約百名50至69歲的退休長者協助洗車,長者報名後需上一日培訓堂,之後會派發洗車工具。至於長者洗車需要什麼資格?他指,「識用WhatsApp就得,因為需要用智能手機揀單同接單」;又指每次洗車收費95元,當中長者可得65元,工時約半小時至45分鐘。

今年68歲的陳伯伯兼職洗車一年,退休前任職的士司機,因年多前在香港耆康老人福利會接觸《洗車俠》,「希望啲長者繼續服務社會,多返啲活力」。他每周會洗2至3輛車當「過日晨」,坦言「抹一架車都幾辛苦,但工作量唔多,隨我哋想做幾多就幾多,所以都唔太辛苦」。被問到有何難忘事?他說:「有時車主地址講得唔清楚搵唔到架車,有時啲人太耐冇洗車,污糟得太離譜(咁點算?)冇辦法,唯硬食囉」。

記者 張文鈴

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載