蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月02日
馬上成為壹會員

畀梁振英呃咗?梁籌庭:CY勞工政策唔合格

許頌明攝(蘋果日報)
建立時間 (HKT): 0102 06:30

梁振英上屆特首選舉取得勞工界29張提名,最終更因其政綱提出研究標準工時、逐步降低強積金對沖比例等,令勞工界60票幾乎全投於他。而梁振英任期尚有半年,再次當選勞工界選委的公務員工會聯合會總幹事梁籌庭坦言,當年勞工界對梁振英確實有很大期望,至討論標時問題時,政府言論一面倒傾向僱主時始發覺有問題;「埋單計數」,他直言:「勞工政策嘅成績表佢(梁)真係唔合格。」

相關新聞:【即時文摘】林鄭向中央送禮(左丁山)

記者:陳雪玲

對於下屆特首要求,梁籌庭未開列具體政策清單,但憧憬對方可以處理與僱主的關係,取得共識支持推行勞工政策,因為梁振英前車可鑒。「梁振英好想推動勞工政策同改善勞工工作時數,當時睇到佢想做,亦睇到僱主嘅反抗同政府嘅無奈、唔成功。」他說作為特首,一來可為僱主提供誘因改善勞工待遇,同時要有強硬手腕推動政策。

相關新聞:【西九故宮館】林鄭周五赴立會解畫 李慧琼料將觸及備忘錄細節

梁振英作風還不夠強硬﹖梁說:「佢強硬唔係對僱主,而係對勞工!」指政府推出標時諮詢時已完全站在僱主一方,「做好多數據對勞工不利,話畀全世界聽,如果你行標準工時,僱主要多付幾多個億,可能會導致幾十萬工人失業」,卻沒有點出標時可改善勞工健康、醫療開支大減等,「(政府)作咁多負面宣傳係畀咗子彈僱主同僱員開火」。

當年勞工界是否被梁振英呃了?梁籌庭坦言當年亦支持梁振英,「佢出來競選時,我哋勞工界對佢好大希望,佢一上來話咩擔張櫈仔,攞本拍紙簿出去搜集民意,呢個做法令我哋有一點信心,感覺到新嘅特首對勞工有一套,會加把勁。」結果如何有目共睹,他批評梁振英勞工政策着墨不多,口號多於實際。

目前幾個特首參選人或潛在人選,當中政務司司長林鄭月娥、財政司司長曾俊華及新民黨主席葉劉淑儀均是政務官出身,梁籌庭相信公務員希望由同樣公務員出身的人當特首,因熟悉政府運用,制定政策配合市民所需,三人中以林鄭及葉劉優勢較大,曾俊華則屬於「黑馬」。

梁籌庭解釋,曾俊華過去集中財務範疇的工作,在管治上未夠全面,但亦指「兩位女士好打得、好硬淨」,反而是她們不穩陣的地方,因為推政策太強硬,未來5年亦只會吵吵鬧,與現在梁振英治下政治鬥爭不絕的情況相若,「市民生活得唔好,一定唔會支持你。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載