› 選擇地區
三藩市
紐約
洛杉磯
其他美國地區
香港 台灣 北美
 
2016年12月22日

【特首選戰】葉劉讚中港融合電影業好成功 主持反駁:而家水皮咗

(資料圖片)
建立時間 (HKT): 1222 11:31

已宣佈參選特首的新民黨主席葉劉淑儀出席電台時指,香港一定要有產業政策,她批評政府至今停留在「積極不干預」是「太過時,呢啲係40年前嘅嘢」。

相關新聞:【特首選戰】中央未批財爺辭職咩玩法?佳叔有「內幕」喎

葉劉指,每個政府都要按照經濟環境進行介入,又指,旅遊、物流、貿易,以及專業服務,政府都要採取積極措施加強鞏固,亦要鞏固香港金融中心地位;她又認為香港最強的優勢是法治,若無普通法法治,難有國際金融中心,「呢啲優勢一定要加強」。她又批評現時很多政府官員「思維都係保守啲」,認為未來有需要「進取啲、與時並進啲,各方面都要加強啲」。

談到文化創意產業,葉太認為,在香港有發展空間,指中港兩地融合「最成功就係電影業」,問節目主持香樹輝「你覺得係唔係呀?」,怎料香樹輝即說:「電影業嗰時無政府扶持,好發達,現時政府整個個基金出嚟,仲水皮咗」。

相關新聞:【特首選戰】梁特冇回應會否推薦林鄭 發改委主任謝港府支持

葉劉就指,現時不少合拍片都有香港人參與,香港文化創意產業仍有很大發展空間。葉劉又指,政府投資郵輪碼頭發展,但設計一直都是「不用者友善」,指現時碼頭的天台,很多事情都不讓人做,「政府好多官僚思想,都仲係要改吓」。問到是否支持取消強積金對沖,葉劉指,其政綱已有一個取消對沖方法,形容「呢個對沖一定要取消」,認為未來要向公積金方向發展。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載