蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年12月09日
馬上成為壹會員

【選委戰】非建制候選人籲聯手推公民提名 還票於民

易仰民攝(蘋果日報)
建立時間 (HKT): 1209 21:14

特首梁振英宣佈放棄爭取連任,「ABC(anyone but cy)」雖暫成真,但泛民擔心可能換上葉劉淑儀等人入局。高教界選委參選團隊「學者抗命Politics 1001」成員歐陽檉表示,即使梁振英不競逐特首,若其他候選人都「揀唔落手」,也不肯接受公民提名,「我哋係好有決心投白票」;他又呼籲非建制派不應再以「兩害取其輕」作取態,「應該由返建制派選委去做」。

相關新聞:【選委戰】中醫界上屆投票率不足40% 梁粉組30人名單搶攻

歐陽檉解釋,特首選舉始終是小圈子,除非候選人願意接受公民提名,如取得全港2%約7.5萬名選民支持,否則便應投白票,「非建制派選委應讓要突破兩害取其輕嘅局面,如果揀一個冇咁衰嘅候選人,個責任應該落喺建制派選委」。他指非建制派選委的責任是要推動制度創新,包括公民提名,「如果我哋唔能夠喺呢個制度上還票於民,我哋係應該投白票」。

特首梁振英不爭取連任,他有信心會有更多非建制候選選委結盟,目標150人,一同推動公民提名,「大家過去真係太過畀梁振英再次連任嘅恐懼主導咗,兼且我哋唔應該仲幻想有一個冇咁差嘅建制派候選人拯救我哋,係無助於香港嘅民主發展」。

相關新聞:【選委戰】高教界民主派三張名單互片 建制學者漁人得利?

同樣預告若當選選委會投白票的社福界團隊「社工復興運動」,成員丁惠芳表示,即使梁振英不爭取連任,但小圈子制度沒有改變,「都會有第二個、第三個、第四個(CY)出嚟」。她估計梁振英在選委選舉前夕突然宣佈不連任,是中央政府的策略,意圖影響選委選情,「等啲選民覺得唔使出嚟投」。

社工復興運動本身是民主300+團隊成員,3個共同目標包括不支持梁振英連任、反對人大8.31框架及重啟政改。丁惠芳坦呼籲非建制派候選選委一同推動公民提名,要求特首候選人接受公民提名洗禮,雖然困難,但非不可能,正如梁振英放棄爭取連任,已踏出了一小步,「我哋一路以嚟反對佢嘅聲音係有用,無論係高牆定點,繼續掟雞蛋埋去係可以郁到啲嘢」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載