蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月26日

港專生畢業禮舉牌反釋法 校長斥辱國歌:外遊遇天災戰亂邊個救你?

161,359
最後更新: 1126 22:33 / 建立時間 (HKT): 1126 16:57

【更新影片】
為阻止青年新政游蕙禎和梁頌恆再宣誓就職立法會議員,人大委員長張德江未待本港法院宣判,主動提出人大釋法,被指向法院施壓,遭不少人強烈質疑。有讀者向《蘋果》報料,指港專下午在馬鞍山分校舉行社工高級文憑畢業禮,40多名畢業生趁典禮奏國歌時舉起標語,抗議人大粗暴釋法,毀香港法治,獲現場不少人歡呼支持,但遭校長陳卓禧斥責「侮辱國歌」,對方更反問若外遊時遇戰亂天災,「邊個去救助你哋?」10多名畢業生上台時,亦舉牌和叫口號反釋法,惟台下有數名觀禮的家長不滿,反斥「支持人大釋法」。

陳卓禧致辭時,自言在港英殖民時期出生和長大,自細經歷帝國主義的欺壓,「會畀鬼仔(外國人)蝦、畀人打,我哋係冇聲出㗎,直到我哋嘅國歌奏起、我哋五星旗升起」,我國才逐步擺脫「被欺凌、被屈辱」的日子,怒斥有畢業生「喺奏國歌嘅時候!做出呢啲咁嘅行為!我係感到痛心!感到難過!」

陳反問學生外遊時,「當你遇到戰亂、當你遇到自然災害,邊個去救助你哋?」稱全世界沒一個國家像中國般,「可以派出一班又一班嘅民航機,去到戰亂嘅地方,去拯救我哋嘅僑民!」又指中國更派戰艦到戰亂地方,冒生命危險撤僑。

他直言「甚至連日本都派唔出!佢要借助我哋嘅民航機、借助我哋嘅戰艦幫佢哋撤僑!當你哋舉起你哋嘅標語,去侮辱國歌嘅時候!有冇諗起呢啲嘢?到時你去問邊個求救?」

《蘋果》致電港專校長陳卓禧,他表示正忙於畢業禮,不便回應;港專發言人回覆查詢時表示,對此事無補充。

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載