蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年11月17日

7學生會聯署斥沈祖堯背棄港人母語 普通話致詞傷中大人感情

10,795
(新亞書院學生會提供圖片)
建立時間 (HKT): 1117 20:54

有畢業生在中文大學今早舉行的畢業禮上無聲示威,反對人大釋法,校長沈祖堯事後指學生不莊嚴。沈祖堯於典禮上先行以普通話致辭,有別於過往先以粵語致辭,令現場不少畢業生嘩然。中大7個書院學生會發出聯合聲明,直斥沈祖堯背棄香港人母語,「今日沈校長用普通話致詞之舉,實在係傷害咗中大人嘅感情,學生我等希望您反思作為大學校長身分嘅一言同埋一行,為我等愛護嘅中文大學,慎言慎行」。聲明署名包括崇基學院學生會、新亞書院學生會、聯合書院學生會、逸夫書院學生會、和聲書院學生會、伍宜孫書院學生會、敬文書院學生會以及教務會學生成員(社會科學院)孔浩名。

相關新聞:畢業禮無聲反釋法 沈祖堯指中大生唔尊重

聲明全文以廣東話口語寫成,標題為「就沈祖堯校長喺畢業典禮發言嘅聯合聲明」,強調廣東話一直作為港人母語,但在大學莊嚴的畢業典禮上,沈祖堯校長竟然背棄港人母語、學校教學主要語言,先用普通話後才以廣東話致辭,「令到同學大感震驚同埋憤怒,不禁疑惑,今日究竟係香港中文大學嘅畢業典禮,定係深圳中文大學嘅畢業典禮?」

聲明續指,沈校長先用普通話之舉,「除左(咗)向中共政權獻媚,表達政治效忠之外,實在無其他嘅理由做呢樣驚人嘅舉動」。早前有學生凌晨在百萬大道打麻雀,沈祖堯事後曾撰寫網誌訓示學生,稱百萬大道是一個莊嚴的地方,指學生面對中大校訓「博文約禮」時「情何以堪」。聲明亦提及此事,而畢業禮在百萬大道舉行,大學畢業典禮作為一個神聖的場合,同學應該給予充分尊重,惟如今在校徽之下及畢業典禮之上,以及一眾師生面前,「喺致詞嘅時候,利用呢個機會,行呢個獻媚之舉,表達您嘅政治效忠,侮辱咗神聖嘅畢業典禮,實在可恥」,「喺呢到(度)學生敢問校長一句,唔尊重呢個莊嚴之地,唔尊重畢業典禮呢個神聖場合,喺(係)同學,定喺(係)沈校長您?」

聲明又指,對中大人而言,沈校長的態度不只有欠讀書人應有禮貌,「身為文人學者,身為一大學之長,風骨蕩然無存,實在有負同學嘅期望,有負大學嘅期望,有負社會嘅期望!」文中引述沈校長的網誌內容,指他「面對中大嘅校訓『博文約禮』,您情何以堪?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載