› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

【立會選戰】周永勤開場發言及總結發言全文

周永勤facebook專頁截圖。
建立時間 (HKT): 0825 23:10

出戰新界西的自由黨周永勤,以一身黑衣晚上出席有線電視直播選舉論壇,開首發言時突然宣佈會停止所有競選工程,變相退選。其後在晚上約10時,於其facebook專頁上載開場發言及總結發言,全文如下:
「開場發言內容:
各位選民,我喺4號嘅候選人周永勤。我從政22年,長時間為新界西市民服務,到底我喺一個點樣嘅從政者,大家可以喺互聯網或者 facebook,甚至街坊口中了解到,我究竟喺一個點樣嘅區議員;我現在要向大家宣布一個非常沉重嘅決定,基於我唔想身邊重要嘅人,惹上更高層次嘅麻煩或者賠上代價,過咗今晚,我會停止爭取所有選民支持嘅選舉工程,呢個論壇將會喺我出席嘅最後一個。

相關新聞:【立會選戰】被問到身邊人是否受威脅 周永勤爆喊:我唔想講呀

喺嚟緊嘅4分30秒主場質詢,我唔會向我嘅競敵提出任何提問,亦都唔會回應任何問題;到咗總結時間,我會再發言。喺呢喥,我要向一直支我嘅義工、教友、街坊、支持者鞠躬道歉,因為我個人力量唔夠,可能辜負咗大家,對唔住。」

「總結發言內容:
喺8月13號,我喺中環碼頭天橋底出席咗一個民間團體搞嘅公開論壇,其中一位年輕侯選人好激動回應台下質詢,佢發誓咁講「如果我做咗尐對唔住香港人嘅事,就不得好死!」當時我見到27歲嘅自己,都一樣喺充滿熱血,要服務社會;經過咗22年嘅議員工作。今日我想講,死並唔可怕,我身為一個基督徒,我知道我死後與主同在。

相關新聞:【立會選戰】何君堯fb批周永勤扮弱者:我先係受害者

其實,人最可怕嘅喺,看見自己無辦法保護到自己身邊重要嘅人;同時我亦深深感受到雞蛋同埋高牆嘅關係。人天生有追求公平公正公義嘅心,好純粹;我就因為呢種純粹,變咗做雞蛋,我唔怕做粉身碎骨嘅雞蛋,唔怕面對烏合之眾,但我唔想身邊重要嘅人,惹上更高層次嘅麻煩或者賠上代價。我充分感受到個股無助感!

廿年深耕‧新西希望,我似乎錯啦;原來大家都唔喺咁著緊有希望,「希望」喺我咃嘅社會已經變成奢侈品。好對唔住,因為我個人力量唔夠,可能辜負咗大家。曾鈺成講:香港一定要贏,我想講最後一句:香港人喺唔可以輸!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載