蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月17日
馬上成為壹會員

大家樂難招聘缺人手?員工踢爆:唔係請唔到係唔想請

夏家朗攝
建立時間 (HKT): 0717 06:00

集團旗下快餐店員工屢被揭發要瘋狂加班,大家樂首席執行官羅德承上月在業績會上表示,整體餐飲業勞工短缺,不同集團都在「搶人」,個別地區較難招聘人手。但有員工踢爆,大家樂嚴控成本,規定每間分店的人手開支比例,不得超出該店每月生意額約20%至25%,「請唔到人係藉口,根本係唔想請人」。

大家樂每間分店不同部門如廚房、水吧及樓面等,每周都要編更,一般分開糠、早市、午市、茶市、夜市及收糠共六更,除編制每更人手外,也要計算每周總工時,包括全職和兼職工時及加班工時等,再匯報公司。有大家樂分店管理層透露,公司定下嚴格指標,規定分店的人手開支不得超過該店生意額某個百份比,一般約20%至25%,視乎生意額作調整。

「水吧用幾多個鐘、廚房用幾多個鐘,就要度掂佢,over(超過)就要解釋。」該管理層說,公司對分店的生意額和成本「揸得好緊」,規定每個市段後兩小時內必須「報數」,「賣咗幾多個餐」;每月也需呈交損益結算表,詳列人工、銷售及成本開支等,公司會跟去年同期作比較,「如果跌得犀利,要你寫原因」。公司每3個月更會聘「神秘顧客」為各分店評分,加重分店壓力。

該管理層坦言,即使分店缺人,都不敢貿然請人,恐一闊三大,「計過度過,梗係要班員工開OT(加班)好過」;且潔淨及樓面等部門都以兼職工為主,生意不景可隨時「開刀」,「公司係諗呢啲縮數,唔係員工行先。佢哋成日話請唔到人,全部都係藉口,根本唔想請人,佢哋就係要賺到盡」。大家樂未有回應有否規定分店的人手開支。

記者王家文

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載