蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月12日

【短片】【新地案】郭炳江步出終院:生活有規律,但最好唔好响裡面

建立時間 (HKT): 0712 06:00

前政務司司長許仕仁與新地前聯席主席郭炳江的貪污案,終審法院今就其中一項控罪批准各人提上訴,並批准郭炳江以千萬元現金保釋外出。郭炳江獲釋後與兒子郭基煇擁抱,郭基煇顯得很激動。而郭炳江步出終院,向傳媒表示多謝家人及朋友的支持,又稱獄中生活好有規律,「但最好唔好响裡面」。

郭炳江又指,「唔信自己喺呢度,返屋企見屋企人,阿媽我返咗嚟啦。佢身體好好,要同佢食餐飯,好多謝家人,呢18個月多謝同事咁支持我」、「好多體會,當你喪失左啲野時,你就知生命幾咁可貴,例如自由、好多嘢平時覺得好應該,其實呢啲係神嘅祝福,無咗時,你發覺到對你生命有幾大影響。」

郭炳江並舉例指,「最簡單,冇咗電話、冇咗電腦都好難做嘢,喺獄中做功課,要用最原始方法用手寫,寫錯字要另外再做過,先發現宜家科技咁緊要。其他嘢都係,你哋未入過去,你哋唔會明白。但趁今日出嚟,向其他人忠告,係珍惜現有宜家嘅嘢」。

對於保釋期間的大計,他指「放多啲假,周圍去睇吓,要學踩單車,9月要去踩。滑雪?諗下啦,都會去」,但他強調「唔會返公司,唔理公司嘢」,被問到現在最想食甚麼,他指「乜都想食」而太太會安排食物。

郭炳江提到獄中受到很大鼓勵時,更點名問:「蘋果黃小姐喺度嗎?佢寫咗好多信俾我,但我唔可以答你,希望你明白,我記得你點樣架啦。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載