蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年05月13日

【短片】【告別總站】逾半世紀北角車站凌晨退役父女巴迷紛留影懷緬

易仰民攝
建立時間 (HKT): 0513 06:00

有58年歷史的北角碼頭巴士總站今晚完成使命,告別維港,不少巴士迷特意到此記住最後一刻,亦不乏家長陪同子女到場留影。

衛先生特意帶女兒到巴士站拍照懷念,雖然現在並非經常到此地乘車,卻盛載不少兒時回憶,「細個嚟過呢度搭車,都好唔捨得。」衛生希望為女兒留下珍貴回憶,「想將我對呢個巴士站嘅感情,畀佢都個知道,等佢大個睇番相,知道原來爸爸好珍惜呢到。」

梁同學雖只有12歳,幾年前開始成為巴士迷,自己常在此地乘車,「好可惜,因為個站有58年歷史,而且香港露天巴士站愈來愈少。」他感歎具歷史的巴士站已買少見少,「始終自己都想睇番以前未出世嘅時候,巴士站嘅面貌。」

一眾年輕巴士迷亦特意到此地拍照留念,林先生與友人認為,此巴士站見證了巴士歷史,「個站都58年,經歷過中巴、城巴新巴,之前中巴結業都好多人嚟過。」他們對於巴士站即將關閉,表示十分可惜,「想同佢講再見,多謝佢服務咗大家咁多年,好好安息!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載