蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年03月13日

【李八方online】拔根英雄又有創舉促成東區《十年》放映會

促成《十年》放映會嘅趙家賢同徐子見,喺banner面前喜孜孜。趙家賢提供圖片
建立時間 (HKT): 0313 06:00

睇咗電影《十年》未?未嘅話,又有機會嘞!東區泛民會議10位議員本月20日下午兩點半會喺青年廣場舉行「十年座談會」,當然包括埋電影欣賞環節。點解忽然搞電影會?同拔根英雄徐子見有關㗎!

據民主黨東區區議員趙家賢透露,徐子見上月底構思點樣可以喺東區搵場地播放熱播嘅《十年》,之後有熱心市民喺Facebook話可以將柴灣青年廣場嘅一個檔期送畀佢,徐子見咪拿拿臨聯絡《十年》嘅導演,但當時未能安排!

點知其後有位朋友再向《十年》方面爭取,終於畀佢哋嘅誠意打動而應承,徐子見就同趙家賢一齊視察場地、設計橫額、制訂門票劃位安排同安排活動人手同流程等,促成東區泛民十子歷史性聯合籌辦活動。

門票本月14日起喺東區十位議員嘅地區辦事處公開發售。成人50蚊、長者或學生40蚊,有關選區居民可優先購票,名額有限。(東區泛民會議十位議員包括:黎志強、趙家賢、梁兆新、張國昌、麥德正、王振星、古桂耀、梁穎敏、鄭達鴻、徐子見)

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載