蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月24日
馬上成為壹會員

【預算案】民建聯特別的fb技巧?食雪條下火po舊圖諮詢

陳恒鑌facebook圖片
建立時間 (HKT): 0224 06:00

財政司司長曾俊華在新一份《財政預算案》的「派糖」規模為梁班子最多的一次,共派出387.6億元,較去年度的340億元多,但公屋免租本年度則取消。民建聯立法會議員陳恒鑌則在facebook稱,政府有數百億盈餘,但《預算案》仍取消只花11億元的公屋免租,又不滿沒有免電費,直言「火盛難下,唯有整條雪條降吓溫!」在facebook上載與漁農界民建聯議員何俊賢的吃雪條照。

另一民建聯議員葛珮帆亦在facebook貼出《財政預算案》單張和網址,留言稱「今日財政預算案重點一覽如下。大家點睇?」惟她錯誤上載上年度紫色封面的《預算案》單張和網址,結果刪去整個帖文,遭不少網民留言嘲諷。

【網民點睇葛珮帆】
LukasLau:學人刪Post添,果然黨性難改

黃冠鎧:感覺好似坐咗一年時光機咁

KennethYeung:我唔準你哋鬧博士呀!人哋用左好多年先係校長屋企畢業架!

【網民點睇陳恒鑌】
ChristinaYee:呢種思想同「你咁有錢,點解唔畀我?」有咩分別?雖然我係公屋居民,但我同意無免租,因為公屋本身已經是福利。另外,公屋居民亦因免差餉而少交了錢,都有受益。

PeterHung:好似你這種咪叫政棍囉,千零蚊租一個月仲要免!現在公屋住户當中,個仔做緊會計師,個女做緊護士;又或者做地盤做三行揾成2千蚊日的大有人在。政府應該花多一點人力資源去保護真正有困難的公屋户,且堅決踢走真正的「公屋富户」。社會應該集中資源去幫助真正有需要的人,包括租住劏房的基層和捱貴租的邊緣中産。

SeenYung:住公屋的人大多非常富有,因為平時畀開平租儲埋很多,所以無需要免租,而那些困難戶,香港的福利機構自有辦法去幫助佢哋。

SeenYung:公屋人家吃飯叫海鮮,一年去兩三次旅行;中產人家出街吃飯只叫小菜,每年最多去一次外遊,因為要儲錢供樓。

SunLeungCheung:你去楊屋道街市買餸就知道,公屋居民買海鮮,唔靚唔食,中產要慳住,除咗要供樓,仲要畀差餉、地租、管理費。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載