蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月14日

【短片】偲嫣嬸嬸呃自己人錢?遊行被追數好丟臉

建立時間 (HKT): 0214 06:00

由李偲嫣牽頭的親政府組織「撐警大聯盟」、「正義聯盟」舉行撐警大遊行,要求政府嚴懲年初一晚旺角騷亂的「暴徒」,支持警方執法,其間遊行人士懷疑內訌,至少4人稱被李騙財,要求還錢。自稱正義聯盟成員的「梁粉」彭春娥與友人一度與李偲嫣等人爭執,稱被李等人騙去20萬元,報警5次均未獲受理,李偲嫣的支持者則「爆粗」和罵對方「臭八婆」、「死肥婆」,要由警員分隔。

彭春娥是前愛港之聲成員,經常出席支持梁振英及政府等公開場合。她表示自己支持警察,故參與今次遊行,但叫記者別再拍攝李偲嫣等人,以免助長她歛財,「有人揸著話『我撐警察』,但你知唔知佢周圍呃人錢呀,爭咗成過百萬呀」,強調這非金錢糾紛,而是對方「欺詐」,自稱「愛國」叫人捐錢。

彭又指自己被李偲嫣的好姊妹騙去20萬元,「《蘋果日報》都報咗嘞,《蘋果》唔係抹黑佢,係真嘅……我唔想香港市民受騙,因為有人當自己係女神一樣喎,其實係假架,佢唔係女神呀,係女神.棍」。李偲嫣則嗌咪指對方並非參與遊行,只是騷擾和破壞。

至遊行尾聲,李偲嫣等人在旺角西洋菜南街集會,其間另一自稱撐警的中年女子表示,被李偲嫣騙去10萬元,「我畀10萬蚊佢撐警,佢就同人講我冇畀;2014年11月11日,佢嚟我元朗攞錢呢個仆街,畀咗佢佢同人講話冇畀,佢吞,佢私吞!」怒斥李是「騙子」、「無賴」,其後有李偲嫣支持者一度與她對罵,反指她是「二五仔」,雙方要由警方分隔和勸阻。

集會期間,亦有男子高呼「還錢呀李偲嫣」。另一名自稱正義聯盟黨的男子表示,他們都是黨員,但不滿李偲嫣借錢一年多仍未償還,「咁衰嘅,(欠)百幾萬呀,自己友都呃嘅,你話死唔死呀?」

他更指大部分黨員均有借錢給她,「江湖救急,借畀你都無所謂,兩三個禮拜吓嘛,一年又唔還,年幾又唔還喎,呢個人真係好嘢,真係衰人嚟,佢話拉長嚟還㖭喎仲要……撐警就啱嘅,但係佢個仆街呢,幾乎差人都要拉佢,點去撐警呀你?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載