蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年02月13日

【非一般情人節】幸福女同陽光下做自己日日都是情人節

在香港女同志被接受程度較男同志大得多,讓Nick和Boyi可光明正大地愛。(伍嘉亮攝)
建立時間 (HKT): 0213 06:00

性小眾一般分為女同志、男同志、雙性戀、跨性別人士和雙性人,但無論走在街上或朋友圈中,遇到女同志戀人的機會總比其他性小眾的機會高。25歲的Nick和22歲的Boyi拍拖近兩年,也是樂於在陽光下公開戀情的女同志,她們坦言社會對女同志的接受程度不俗,即使偶然「扮睇唔到」她們,但社會空間讓她們不會隱藏自己,與男同志的狀況迥然不同。

記者:梁佩珊

Nick和Boyi都曾拍拖多次,卻鮮有遇過被歧視,(你覺得社會點睇你哋?)「呢個社會畀我哋知道佢哋見到我哋,而唔歧視我哋,愈來愈多人咁樣」,同一個問題,她們的答案,跟另一對受訪的男同志戀人尤如活在兩個世界。

「香港接受gaycouple(男同志)嘅程度遠低過lescouple(女同志)」,二人身為女同志,坦言有時路上遇到男同志拖手,也會有種「嘩!咁勇敢嘅!」的感覺,「望到會有一個鼓舞嘅微笑畀佢哋,因為好少gay會咁張揚」,Boyi感到社會確實對女同志較寬容,這亦是因為兩性的思維模式和社會定型不同,「可能兩個女仔好friend,出街會拖手,但男仔就算稱兄道弟,都係搭一搭膊頭就會縮開,唔會長搭。」這是社會對兩性的期望。

男同志不如女同志勇於在陽光下做回自己,Nick認為是社會對兩者限制有所差距,「如果社會唔會令人覺得咁做有人望,佢哋嘅包袱冇咁大。好似陳志全咁,出街知你係gay,個阿嬸已經鬧你,唔使話拖手、攬啊、錫啊,係社會目光令佢哋唔敢做呢樣嘢」。

這對女同志一向如常人拍拖,拖手接吻從不避忌,但從來沒有遇到男同志戀人拍拖被歧視的狀況,「真係冇試過,就算以前拍拖都冇」。Nick和Boyi不覺社會看不到女同志,但偶然覺得社會「扮睇唔到」她們,「社會會覺得唔關佢哋事,我有我哋搞基,佢有佢哋嘅生活,喺呢個層面時,冇需要睇到我哋」。Boyi喜歡逛婚展,好奇查詢兩位女生影婚紗照的價錢,結果對方答她「咁你要買兩套package,因為係兩套婚紗,你要畀兩個package嘅錢」,要兩件婚紗,變相不要兩件禮服,她們當下有感其實商家不會虧蝕,只是對方介意性別,這就是她們口中的「扮睇唔到」。

社會上的情人節宣傳一向只有一男一女,商家只看到異性戀的市場,因為異性戀的市場是最大,資源有限下,商家只會做市場最大的一批人的生意,換個角度考慮,Boyi認為如果有商家只做同性戀的生意,便會失去大市場的生意,「有公司會諗,咁做會唔會失去恐同嘅人嘅生意,會流失一個大market」,於是,由政策以至商業,同志也是少數,沒有人會為少數服務。

二人從來不介意旁人目光,同性戀與異性戀是應該平等在社會存在着,「我行街拖手唔會影響到你,等如你行街拖手都唔會影響到我。」今年是Nick和Boyi的第二個情人節,她們不打算「世俗地」慶祝,真正的愛情應該「日日都是情人節」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載