› 選擇地區
三藩市
紐約
洛杉磯
其他美國地區
香港 台灣 北美
 
2016年02月11日

【八方相當年】海怡陳家珮係馬騮妹細個至愛爬樹

馬騮妹陳家珮,細細個已經鍾意爬樹。陳家珮提供照片。
建立時間 (HKT): 0211 06:00

猴年首炮「相」當年,梗係最啱由肖猴人士打響頭炮。南區海怡西區議員、新民黨陳家珮Judy就係名正言順嘅馬騮妹,36歲嘅佢生於1980年,自爆細個都幾有馬騮仔特質,就係好鬼鍾意爬樹,同猴子喺樹林內跳嚟跳去差唔多。

睇見佢幾歲人仔已經淡定定坐喺樹枝,可見佢對樹情有獨鍾:「通常爹哋抱我上去,我就喺樹上坐同玩,一啲都唔驚」。爬樹以外,佢話小時都好動活躍周圍走,「跳跳紥都有啲男仔頭,跌倒都唔會成日喊嗰種。」佢話媽咪因此要佢學彈琴同留長頭髮,點解呢?「希望戥勻一下」。

Judy喺老表群中係最大、加上亦有個年齡相隔四歲嘅細妹,或者因此有咗大家姐風範:「睇返好多相都見到,如果我同細妹係喺一班男仔群中,我會攬實細妹保護佢咁㗎!」Judy中學時期都有做班長;直至升中三嗰時,屋企人送佢去澳洲升學。佢升讀大學時同成班同學仔夾份租屋住,「當時我都係做大家姐角色,負責煮飯等粗重嘢㗎!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載