蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月25日

【短片】【真.寒流】GroupBuyer准全體員工放假逾萬網民讚好老闆

建立時間 (HKT): 0125 06:00

本港連日來天氣嚴寒,今早市區最低氣溫在5℃以下,山頂-0.2℃。雖然幼稚園、小學和特殊學校可停課一天,但一眾打工仔仍要在寒風中上班。不過,本地團購網站「GroupBuyer團購家」一位好老闆體恤員工寒冷天氣眷戀被窩,宣佈今日全體員工可放假一日,令員工興奮得在facebook分享喜訊,一眾網民盛讚老闆「型到爆」。

GroupBuyer員工在facebook專頁上貼出老闆傳給員工的停工通告,指由於天氣持續低溫,故決定周一毋須上班,但若和客戶有約會的要依舊赴約,其他員工如有需要仍可返回公司工作。老闆更貼心地提醒員工「著多件衫,保重身體」。

良心僱主的體諒不單令一眾員工感動,更獲近萬名網民激讚,「你有冇見過老板叫員工因天氣凍休息,有呀,真係有,我見過!」更有人羡慕問「公司請人嗎?我要轉工呀。」但亦有網民「陰謀論」地指老闆「試緊邊個員工會肯為公司赴湯蹈火,嚴寒天氣都肯返工」。

【網民咁講】
TeresaLai:你有冇見過老板叫員工因天氣凍休息,有呀,真係有,我見過!
譚雲迪:好老闆,抵讚!
IdyTam:型到爆的老闆!真·好老細
VolkaKamikaze:有咁樣嘅老闆真系好,如果有多啲咁樣嘅老闆就好啦!
HenryChow:其實老闆試緊邊個員工會肯為公司赴湯蹈火,嚴寒天氣都肯返工,順勢過年前炒埋聽日冇返工嘅員工。
趙倩渝:咁好既老闆!零下5度我都仆番去。
LingYun:好公司有好老闆才有好員工!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載