› 選擇地區
三藩市
紐約
洛杉磯
其他美國地區
香港 台灣 北美
 
2016年01月02日

【李八方online】《蘋果》fb遭洗版攻擊大量南亞acc垃圾留言

建立時間 (HKT): 0102 06:00

《蘋果》網站近年不時受到來歷不明嘅攻擊,最近facebook專頁更加被一班南亞用戶瘋狂洗版,噚日銅鑼灣書店股東李波被失蹤嘅報道,更加有成2,000幾個來自南亞嘅垃圾留言,facebook小編喊住話真係ban到手軟。

據《蘋果》facebook小編向八方大吐苦水話,其實舊年4月起已開始發現有神秘人為留言買like,意圖將某些留言長期置頂,變相令到另一啲留言沉底,當時都引起部分讀者投訴。初時以為只係有個別人想玩嘢,於是向facebook求助,但facebook方面完全無任何行動。佢哋只好將留言改為按時序排,咁樣對讀者好唔方便,但無辦法。點知到最近幾日,攻擊開始升級,部分新聞畀人瘋狂洗版,其他讀者留言被推走哂。睇用戶名,洗版嘅用戶應來自南亞,大部分只貼上一個表情符號,或用英文留一句無意義廢話,好明顯係網絡攻擊。其中噚日鑼灣書店股東李波被失蹤嘅報道,曾經一兩分鐘就有成幾百個垃圾留言,好快就有二千幾個。佢哋已經密密手去ban,但一ban完無耐對方又攻擊過。

facebook小編又話,其實行內傳聞某啲網媒同政治人物嘅facebook都受過類似攻擊,只係無《蘋果》今次咁誇張。佢哋再向facebook方面求肋,但回覆話留言唔係色情,又無暴力,所以愛莫能助。只係話會將個案轉交spamteam跟進,之後就音訊全無。 

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載