蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年12月19日

【叻到咁】指反對者無得投選CY才不滿「呢個國家唔係你嘅」

建立時間 (HKT): 1219 06:00

近年在港視發牌、佔中等議題多次發表親中、親建制言論的藝人陳百祥(阿叻),在港台今晚播出的節目《我係乜乜乜》中力撐特首梁振英,又認為香港的自由沒有收緊,「而家人人都鬧緊特首,邊有收緊」,認為「(中共)一早應該全面接管(香港)啦!到2046、2047咪又係畀返佢管,有乜問題?你話喇,你係咪中國人嚟?」又謂外界喜歡將事件政治化。

港大和中大民調均顯示,梁振英的民望在上任不久後下跌,更一直低迷,陳百祥則認為梁振英政府表現佳,「佢(梁振英)搞到咩民怨?我覺得佢哋做得好嘛」,只是批評者「冥頑不靈」,「佢哋成日覺得(特首)唔係佢哋選出嚟嘅,係689人選出嚟㗎喞,所以佢哋條氣唔順,佢做乜都唔啱㗎嘞……一早《基本法》講咗係咁選㗎嘛,你接唔接受都無用,因為呢個國家唔係你嘅、唔係你打出嚟嘅呢個天下」。

節目以「港豬」為題,主持向陳百祥提問一連串時事熱話,如問他是否知道誰是饒戈平(基本法委員會委員),陳百祥則自稱不懂政治,卻在節目中批評社會運動;主持又問他,為何替出選區議會的「反佔中功臣」何君堯站台拉票,擊退時任議員何俊仁,陳則稱何君堯「改變到香港」,反指投票給「咩快必(譚得志)慢必(陳志全)嗰啲人就係港豬」。

向來敢言的演員黃秋生,則在facebook專頁嘲諷陳百祥:「阿叻哥比人畀到謝咗,個國家唔係你嘅都講得出。哈哈哈!佢真係好鬼頂癮!」

【網民點睇】
CWChan:港台揾咗隻超級港豬上去做訪問,呢鑊真係叻叻豬

DustPianoCloud:難得有日早返屋企,一開電視,睇見個有奶便是娘嘅阿伯豬噏……

MingkeiWong:X噏佢就叻識條X咩佢!

王人白:抵叻哥喺娛樂圈撈到咁耐,真係好有娛樂性

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載