› 選擇地區
三藩市
紐約
洛杉磯
其他美國地區
香港 台灣 北美
 
2015年09月06日

【短片】《城壇》新主持初試啼聲卿姐鬧「傻仔」

《城壇》新主持蘇敬恆(中)首日主持節目。(李家皓攝)
建立時間 (HKT): 0906 06:00

港台節目《城市論壇》前主持謝志峰榮休,新任主持蘇敬恆今日初試啼聲,就迎接民主黨主席劉慧卿和民建聯副主席周浩鼎等「常客」。蘇敬恆問到劉慧卿有關民主黨路線是否轉趨溫和,劉強調黨「好堅定代表香港市民利益」,而且明白並承認特區「係中華民國一部分」。蘇敬恆聞言請對方澄清「頭先卿姐你係講中華人民共和國,唔係講中華民國係嘛?」,劉慧卿隨即高呼「中華人民共和國啦傻仔!我識分嘅」,蘇敬恆回應「卿姐可能講錯咗,所以澄清返啫下」,劉慧卿就多謝主持提醒「我都冇講錯到,我係講中華人民共和國」。

論壇後劉慧卿評價新主持表現中規中矩「好盡力去做」,又提醒自己講錯說話,「咁我可能係講錯咗,或者可能冇喇,我覺得講得快一啲喇」,事後亦有向蘇敬恆就叫他「傻仔」道歉。民主黨副主席尹兆堅則指「傻仔」是劉的口頭禪。她讚賞蘇敬恆是一個好記者,做其他節目都「非常之好」,希望對方努力去做。

蘇敬恆首日主持《城市論壇》,得到新任廣播處處長梁家榮及前主持謝志峰到場支持,以及協助打點。論壇第一節完前,出現技術問題聲音中斷,蘇敬恆都妥善解決並重新開展第二節。蘇敬恆表示當時監製透過耳機告知,劉慧卿說錯了中華民國,故他有需要叫對方澄清是否說錯,但卿姐卻以儍仔稱呼他,不過他表示沒太大感受,亦不用卿姐道歉:「其實我冇乜嘢,冇話道歉唔道歉,無所謂。當時(劉慧卿)有情緒好正常,我只係想佢澄清番,以前做訪問受訪者都會錯,佢可能只係口快快講,講得太快。」

廣播處長梁家榮今日亦首次到場,被問到是否來督師,他指,自己是來學習,節目後他指,給蘇敬恆110分,滿意蘇的表現,還笑言:「大家都知我向來畀分都好低。」前任主持謝志峰指,蘇敬恆是陰柔派,如太極高手般,不會動輒動火,認為整個節目討論到位:「今日比想像中好,好掂,喜出望外。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載