蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月28日
馬上成為壹會員

【短片】邀港孩困寵物籠體驗惹爭議動物團體或推「升級版」

非牟利獸醫協會主席麥志豪以「出位」手法向小朋友揭示寵物繁殖背後的醜陋實況,得到不少家長支持。(非牟利獸醫協會提供圖片)
建立時間 (HKT): 0828 06:00

世道複雜,愈顯淺的道理愈難向孩子言明,包括可愛寵物背後的繁殖故事。「傳道」手法時惹爭議的非牟利獸醫協會主席麥志豪,早前在教育工作坊中讓小學生試坐寵物籠,掀起網絡激辯,有家長認為手法侮辱,有父母舉手支持,麥指事發後多家學校和團體聯絡合作,還打算推出「升級版」體驗,包括拖繩、集體鐵籠等,向身嬌肉貴的港孩,揭開寵物糖衣毒藥。

記者:張嘉雯

為了令孩子體會私人繁殖場內動物的苦況,麥志豪月中與社區中心合作,為30名高小學生舉行工作坊,社區中心主任與義工合作以紙皮製作了三個大、中、小的模擬動物籠,結果近半小朋友主動舉手「試坐」,有人更模仿小狗爬入籠內,「同佢哋講唔准嘈,因為平時啲動物都唔准吠,會割聲帶,初初一兩分鐘都無乜嘢,去到3分鐘佢哋開始覺得悶,我叫佢哋坐多陣啦,坐多一、兩分鐘啦,5分鐘又唔係真係好長。」

相片上載,以為怪獸家長會群起攻之,結果反應出奇地好,不單沒有收到投訴,有學校和團體更聯絡他合作,「嗰啲人無人喊喎,有啲懂性啲,小五、小六既小朋友,會話『好慘喎』、『好殘忍』、『動物坐咁耐會好辛苦』,我問佢哋會唔會覺得買賣動物係好慘,媽媽成世就係咁㗎喇喎,個個都話梗係唔會啦。」

麥志豪坦言,事前沒有諮詢家長,「如果一開始就講,十成十唔得,我咁做就係想breaktherule,如果去攞啲official意見同認可,咁就一世都唔駛做。」話雖如此,他自言一直步步為營,「我哋都好顧住個image,所以堅持用紙皮箱整,而唔用真正既狗籠。」

他指計劃推出「升級版」,包括拖繩、模擬大型繁殖場和特技表演,「等多啲小朋友一齊坐。」他強調不會太有傷害性,「等佢哋明白狗做特技、海豚表演,都係為咗討好人,令人開心,好似馬戲團咁,本質都係令人反感。」

麥志豪指小朋友是白紙一張,看到動物受虐的相片,總有人流淚,工作坊的目的,除了是教育下一代,也是挑戰成年人的固有觀念,包括動物和人的地位平等,反對警犬、導盲犬,任何利用動物服務人的舉措,「最敏感就講流浪狗咬人,你唔好夾硬屈流浪狗喎,全部咬人既都係有主人架,邊度聽返嚟?」他指不少校長和教師一聽到這裡就「黑面」。

「野豬點解唔可以周圍行?我去親沙田、大圍啲學校都會講,學校呢度原本係咩地方嚟?你霸咗佢屋企,仲唔畀佢喺附近行?」麥志豪說明白教師角色的難處,怕被投訴,慣以保護學生的角度出發,「打電話去漁護署話有流浪狗,等於講『我要殺咗佢』。」

他和小朋友計數,每年人道毀滅的動物一萬五千多隻,平均每日50至60隻,每小時5、6隻,每10分鐘殺一隻,師生都聽得目瞪口呆。

麥志豪直言最大願望是全港所有寵物店執笠,「全部人都覺得賣動物係羞恥,你鍾意,但都唔可以咁自私。」他指在德國、澳洲等地,絕大部份動物是領養而來,「有啲人覺得咁係激進,好似以前解放黑奴,之後解放婦女,我哋只係解放動物咁解。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載