蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年08月02日
馬上成為壹會員

【短片】盧寵茂斥有醫生因鬥爭忘救人片段證歐耀佳屢勸「畀佢出」

《蘋果》翻查當晚拍攝片段,證實歐耀佳(舉手者)當時多次呼籲人群散開,但不成功;盧寵茂卻不點名指在場有醫生因政治鬥爭忘記救人天職。
建立時間 (HKT): 0802 06:00

有港大學生日前衝入校委會會議室,抗議校委會堅持「等埋首席副校」才任命副校的決定。校委盧寵茂當時腳部舊患受傷,送往救護車時亦受阻撓。盧周日早上出席電台節目時,重提當時曾向一名在場醫生求助:「當時我曾想叫佢幫我叫開啲人,但佢的反應居然係『關我咩事,嗰啲人唔係我叫嚟』……事後我不斷諗,點解政治鬥爭,令一個醫生將救人天職都完全唔記得咗,我非常傷心。」

不過《蘋果》翻查當晚拍攝片段,證實本身是醫生的港大校友關注組成員歐耀佳,曾多次呼籲人群散開,冀讓盧寵茂登上救護車,惟包圍者屢勸不果。《蘋果》上載當日歐盧二人對話期間及前後的錄影及文字記錄,讓公眾判斷:

起初盧寵茂被包圍後,歐耀佳曾嗌咪接連高呼「畀佢出!畀佢出!」但其他人並無理會,繼續指罵盧。

盧接受記者訪問期間,歐再次嗌咪呼籲:「而家盧寵茂教授係有傷,唔該你哋畀佢上十字車(救護車)」,惟包圍者仍無動於衷。

歐遂向盧解釋:「教授你知唔知(開路)呢啲唔係我哋控制㗎,你明唔明呀?」

盧答:「但係你哋搞出嚟個喎。」

歐反駁:「唔係我哋搞出嚟㗎,盧教授我話畀你聽,呢啲事唔係我哋搞出嚟㗎,呢啲係校委會自己所做嘅工作嚟㗎咋,你千祈唔好話係我哋搞出嚟㗎。」盧即搖頭回應。

另一校委袁國勇促歐幫忙開路,但因歐多次呼籲開路不果,便語帶激動回應:「唔係我叫(得走佢哋)㗎,你估我係邊個呀?」

其間因不斷有示威者指罵盧,袁再促歐幫手開路,歐則無奈嘆:「我係醫生,唔係負責幫手(開路)」,盧再次搖頭回應。

一會後,歐耀佳再度嗌咪勸包圍者讓路:「而家以我嘅理解,盧教授係有受傷,唔該大家畀留條路畀佢上嚟」,但包圍者繼續不理會,直至警方到場築起人鏈,才能為盧開路,讓他登上救護車。

歐耀佳接受《蘋果》查詢時表示,因與盧寵茂相識多年,一直知道盧腳部有舊患,所以當時多次呼籲附近的人讓路,好讓盧接受醫治。歐耀佳續指,當時盧寵茂曾對他說:「你睇吓,你而家搞到咁樣樣」,於是歐才回應說:「唔係我哋搞到咁,係校委會的決定搞到而家咁樣」。

歐耀佳表示,多次要求開路不果後,見到有保安員和警察到場處理,他才離開。他又說,自己問心無愧,認為盧寵茂的指控相當嚴重,不知道盧當晚是否聽不到自己叫人開路。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載