蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年07月30日

【短片】【副校任命】盧寵茂跌低說法3版本全紀錄

陳奕釗攝
建立時間 (HKT): 0730 06:00

港大校務委員會前日開會期間,有學生闖入會場表達對延遲副校任命的不滿,之後混亂間校委盧寵茂突然倒地需送院治理,引起極大迴響,有人質疑他「插水」,他否認並指這些指控是對其極大侮辱。盧寵茂在事後當晚至今午,先後多次講述事發時的情況,由當晚被送上救護車前稱「我想講,我畀人踢咗一腳」,到今午出院「畀一啲嘢撞到,其實我真係唔知我撞到嘅係乜嘢」。他自言雖然最初以為「梗係有人踢到我」,但回想當時很多人帶著相機或攝影梯,無法判斷是否有人踢他,又否認自己是報案人,認為在當時混亂情況下難以追究。

事發後當晚(7月28日)
「我想講,我畀人踢咗一腳,我受咗傷,我覺得如果做呢啲嘢嘅人,或者依家擋住我去醫院嘅人,甚至頭先有啲人搵個水樽扔我,如果呢啲係香港大學嘅學生,我自己覺得會好羞恥」。校委李國章當晚引述盧寵茂稱,離開期間被人推跌令他腳扭傷。

翌日電台憶述(7月29日)
「其實嗰時好混亂,前面有人,後面又好似有啲人,前面有時又推返轉頭,我都唔知,無辦法講畀你聽,總之我右邊膝頭撞到啲嘢,唔知係我撞嘢定人哋撞我。」

出院總結(7月30日)
「我強調我從來冇話過有人推我,更加冇話過係學生推我,我嘅受傷係因為右邊膝頭舊患,畀一啲嘢撞到,其實我真係唔知我撞到嘅係乜嘢。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載