【李八方online】國泰抽起《東方》唔畀客人睇？

《東方日報》今日頭版報道一名空中服務員喺機上玩手機、瞌眼瞓後，航空界今日瘋傳，國泰向機艙人員發出書面指示，話管理層決定，今日唔會有《東方日報》喺機艙提供，又話即使有，都千祈唔好畀乘客睇。八方特別就此向國泰查詢，發言人未有否認有關決定，只係話：「此乃商業決定，恕我們不會詳述。」

八方聽聞，今次係國泰首次以書面通知機艙組人員封殺《東方》，但禁令期可能只得一日。員工之間當然議論紛紛，話以往唔畀《蘋果日報》入艙都係靜靜雞抽起，今次就擺明車馬禁睇。咁樣打壓公眾知情權，八方都覺得唔應該噃。

而喺國泰嘅CXsecretFacebookPage，有相信係國泰嘅員工對《東方》近月不斷高調報道國泰嘅負面新聞提出質疑：「CX得罪了此報什麼？不是說要隱惡揚善，但從報導的頻密程度，內容的重要性，報導的角度等，我覺得over了。」