蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年06月06日

【短片】【污糟的手】車房國哥:成手油屎漬但靠佢養大仔女

鍾偉德攝
建立時間 (HKT): 0606 06:00

【更新:新增短片】
藝人劉浩龍污糟手言論引起全城反感。在大角咀做車房生意的國哥直言,「依家啲後生怕污穢,我哋收工會洗手,食飯又唔係用手嗱!」對於劉浩龍的言論,國哥坦言相信只有部分人有這種想法,反指「我哋做正職搵食,養大一對仔女,靠自己,唔係不務正業」。

今年61歲的國哥,手指甲、手掌盡是整車留下的「油屎漬」,他笑言,無女仔喜歡跟車房仔拍拖,「識女仔,好多都唔鐘意」。車房的辛酸不為外人道,國哥指年輕入行成手污穢,「嗰時只有洗衣粉洗手,依家有專用洗手膏就好乾淨又唔乸!」

16歲就到車房學師整車,國哥說:「嗰時想學返一門手藝,穩陣有飯開吖嘛!」他坦言做車房整車是辛苦工作,「起碼無冷氣、好天曬、落雨淋,一日最少換兩件衫,比着普通人喺街邊整車,依家30幾度一早暈咗啦」。

國哥任車房學徒後,曾一度轉行任貨車、的士、巴士司機,認為「整車為兩餐,賺唔到咩錢」。其後賺錢買樓才再做車房。妻子是他在駕貨車時認識,其後他重操故業做車房,但妻子女女及孫女都無嫌棄他手指污穢,「我靠做車房養大一對仔女,返屋企第一時間就沖涼,我自己都怕污穢」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載