› 選擇地區
三藩市
紐約
洛杉磯
其他美國地區
香港 台灣 北美
 
2015年05月20日

【短片】劉鳴煒叫青年少睇戲旅行儲首期辣㷫網民

網民批評劉鳴煒只是將責任推卸給年輕人。(原圖來自Goyeah.com片段截圖)
建立時間 (HKT): 0520 06:00

【更新:新增短片】
華人置業主席兼行政總裁、青年事務委員會主席劉鳴煒,最近接受網台專訪,提到年輕人不滿樓價高企、無望置業時,首先為「地產霸權」開脫,又指樓價高企是由於供應不足,最後指青少年很多消費,不願犧性,甚至放棄儲蓄首期,「睇唔到樓市跌就唔好預備,使晒去算啦,呢個態度我覺得唔正確」。其論點引起大批網民反感,批評「離地離到上太空」。

劉鳴煒日前接受Goyeah.com專訪,末段提到年輕人買樓問題,劉鳴煒以2分鐘篇幅為地產商開脫,4分鐘向年輕人強調儲蓄重要性。劉鳴煒一開始就指「地產霸權呢個標籤好情緒化,簡化咗一個問題」,然後就指過去幾年樓市總成交七成半源於二手市場,以此論證發展商並非樓價高企「元兇」。

不過,真正辣㷫網民的是劉鳴煒對年輕人儲蓄及消費看法,他反問青年「願唔願意犧牲,睇少啲戲、去少啲日本?」將錢省下儲首期。劉鳴煒指時下青少年都會買最新型號智能電話,又經常去旅行,舉例指月入1.5萬元青年會「儲500蚊定3000蚊?」,認為青少年若認為樓價高企、買不起樓就不需儲蓄,「呢個態度我覺得唔正確」。

當主持問到是否青少年願意儲蓄、減少消費,就可以「上到車」時,劉鳴煒則表示:「我唔想誤導人。」重申青少年首先應該儲首期,否則「樓價跌幾多都冇用」,認為年輕人應首先裝備自己,找固定工作,有不錯的月薪,以及多儲蓄。

網民則認為劉鳴煒只是將責任推卸給年輕人,反問有多少人月薪1.5萬元,而有月薪1.5萬元的人,即使願意每月儲蓄3000元,又要多少年才能有儲到首期。有網民就認為劉鳴煒作為「大劉」劉鑾雄兒子,只是「成功需父幹」又一例子,諷刺說「不如話死多幾次,投多幾次胎,好似佢咁,唔使樓價跌,都可以買樓又去日本」。

網民點睇:
TaShiGi:儲100年就夠買兩人單位。
大淫賊:1個月儲3千就買到樓,骨灰庵都未必夠啦。
西野家內:窮人唔准有任何娛樂,做死一世樓奴就好啦。
高登清道夫:由佢把口講出嚟真係別有一番風味。
上上策:我一個月存一萬都覺得上車無期,同我講儲3千。

劉鳴煒談青年買樓片段:
http://bit.ly/1Hgkirq

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載