蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月23日

【短片】蔣麗芸:廣東蝕賣水畀香港飲人哋水就要感恩

蔣麗芸稱廣東是將東江水蝕本賣予香港。(許頌明攝)
建立時間 (HKT): 0423 06:00

【更新:現場影片】
立法會大會繼續辯論財政預算案,民建聯蔣麗芸炮轟人民力量議員陳偉業昨日指政府多餘東江水「倒落海」浪費公帑之說「亂七八糟」,聲稱特區政府已指去年沒有出現浪費東江水情況,過去5年亦沒有將東江水排出大海或浪費。

對於陳偉業指東江水受污染,斥內地「將屎水畀香港人飲」的說法,蔣麗芸大表不滿,聲稱東江水距離香港80多公里,輸水系統全是密封式水管,確保香港人飲用水所訂最高標準,每年維修、運作、電費昂貴,「人哋計數都係蝕本賣畀香港,希望大家有時飲水思源,你飲得人哋嘅水就要感恩,唔好今日喺度講風涼話」。

人民力量陳志全反駁,指港府向廣東省購買的食水,用不完的水亦不會退款,「係倒錢落咸水海,8年來用唔著嘅水,水價係50億!」他批評政府一方面呼籲市民節約用水,一方面卻只要求廣東省定額提供食水,港人每年只約需8.5億立方米,但訂明要購入11億立方米,「點解買嘅水遠超需要,但仍要買更多東江水?係咪政府根本無意節約,定有其他政治含意、政治決定?」,又指早前傳媒已揭發,東江水水源佈滿垃圾和豬糞等污染,令市民有中毒風險,「現時係買貴水,現時更加係買貴的屎水,香港比起新加坡買水貴226倍」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載