蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月16日

【短片】【水貨圍城】奇華道歉稱「暴動」停業用詞不當

奇華今早在其fb就昨日稱因「暴動」暫停營業而道歉。
建立時間 (HKT): 0216 06:00

【更新:新增短片】
昨日過百人到沙田一個商場,抗議水貨客入侵沙田,期間商場內的奇華餅家一度落閘,並貼出「因暴動暫停營業」的告示,引起大批網民不滿,批評奇華散播謠言。奇華今早在其fb專頁道歉,承認是「店員用詞不當」,對事件深表抱歉,並承諾日後會加倍留意。

不過,有關留言最初並非人人都能看見,必須要預先對奇華的專頁讚好(Like)或有該帖的網頁連結才能見到,直至一小時後奇華才將道歉留言公開。有網民留言要求奇華登報公開道歉,「喺Facebook打兩句就算?」有居於英國的華僑稱昨日見到奇華店員寫出「暴動」的照片令人相當驚嚇,「嚇到我差啲想即時上網買機票,睇睇喺香港生活嘅高堂,你話如果我真係唔覺意買左機票,咁筆數點計先?」有人則揚言日後罷買奇華。

【網民有話說】
DennisJardine:我呢,本身就係英國華僑。我喺網上見到貴行整張咁嘅告示,嚇到我差啲想即時上網買機票睇睇喺香港生活嘅高堂,你話如果我真係唔覺意買咗機票,咁筆數點計先?

incciLai:請問示威人仕有打爛你地啲餅同舖頭嗎?唔該叫你啲員工唔好亂用詞語。

AndrewTsai:有心道歉,就至少清清楚楚寫出該店員寫出咩字眼,真係唔好打算蒙混過關囉。

IreneLi:集體罷賣,集體退餅咭!

牙樂:為錢,集團可以卑躬屈膝;為錢,政府可以打橫嚟行;為錢,警察可以顛倒是非。

謝灌剛:請你們公開道歉及處分行為不當的店員。

劉倬頤:打兩句嘢就當冇事發生?依家搞到我哋個個好不安,都唔知去唔去沙田好。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載