› 選擇地區
三藩市
紐約
洛杉磯
其他美國地區
香港 台灣 北美
 
2015年01月17日

【李八方online】馮煒光主動自爆有拖拍

去年10月馮煒光被拍到孤獨到尖沙嘴行書店,但事隔3個月後卻風騷自爆已有女友。
建立時間 (HKT): 0117 06:00

新聞統籌專員(IC)馮煒光去年10月,畀八方報道佢喺尖沙嘴dry爆,一支公行完書店再轉戰戲院後,今日八方問佢,聽日出席港台城市論壇前,有無事先通知老闆梁振英時,馮煒光即自爆「喜訊」,叫八方可以報道以下兩句重點回應:「我禮貌上通知咗老闆,我感情上就通知咗女友」,首度宣佈已結束dry爆生涯。

蜜運中的馮煒光稱,女友聽到他聽日出席城壇感到「好開心」,一度想明天現身撐場,但馮煒光為不想女友被傳媒拍下容貌,影響平日生活,改建議女友明天去「飛滑翔傘」。佢話女友一向擅於「飛傘」,是「三非」人士,「即係非政圈、非媒體、非政府」,但就為保護女朋友,唔肯透露其他詳情。

問到佢幾時開始脫離dry爆生涯,馮煒光甜笑指「唔多講嘞」,及後先補充指係八方去年10月報導佢dry爆後先開始,「其實八方話我dry嘅時候,我都差唔多拍架嘞,我唔出聲之嘛,或者多謝八方寫完之後,佢(女友)就覺得不如同我拍,等我無咁dry啦,哈哈」,透露女友平日亦鐘意睇《蘋果》,因為《蘋果》係份好流行嘅報紙喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載