蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月13日
馬上成為壹會員

【鳩嗚乜乜乜】為爭海洋公園門票竄改維基?

建立時間 (HKT): 0113 06:00

為咗搶海洋公園免費飛,你會去到幾盡?有人就懷疑因為咁而「不誠實取用電腦」,仲「竄改歷史」㖭。

事緣海洋公園1月6日公佈為慶祝開業38年,送出1萬張門票,凡持本港身份證居民只要喺本月10至16日喺海洋公園facebook答啱一條問題就可以抽獎,贏取一張門票。

條問題係「海洋公園於甚麼年份成立?」好多人即刻上網搵答案,維基百科最易搵到。如果你信,咁就瀨嘢。

維基一直都係寫正確資料,話海洋公園於「1977年1月10日開幕」,但費清發現,1月10日起不斷有人修訂海洋公園條目,將1977年改為其他年份,被人更正後,又再被人改錯,如是者,呢場網絡戰打到噚日,已經修訂咗40幾次!

會唔會係咁啱咋?你估拍緊大婆台啲老電視劇咩?邊有咁巧合!只要睇番網友刻意錯誤修改嘅年份,就知係專登,因為錯誤年份包括1975、1980及1982,正正就係公園選擇題提供的錯誤答案,仲唔係想裝彈弓?

海洋公園回應,至噚日已錄得近80萬人參加抽獎。海洋公園雖然會不定期檢視並更新非官方資訊渠道如維基嘅資料,但由於維基容許任何人士編輯內容,所以唔能夠保證資料準確。海洋公園建議最好參閱官方資訊渠道如官方網站等。

不過咁,其實2015年減38年,咪係1977囉。(點解唔撳計數機?)

費清#要生計,也要生活#毋忘初衷

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載