蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月21日

【短片】否認加反佔中單張入《蘋果》周融:叫我張融無所謂

周融否認大聯盟在報章加入反佔中單張。(陳奕釗攝)
建立時間 (HKT): 0721 06:00

今早多名讀者購買《蘋果日報》時,發現膠袋內放有一張寫有「反佔中、護民生」的宣傳單張,更有傳報販每派一張能獲3毫子。「保普選反佔中大聯盟」召集人周融否認這是大聯盟所為,反指網上見到單張是由發行商「勤力德」派發,「我諗你要問一問阿德(勤力德老闆岑德強),究竟係黎智英畀錢定係邊個畀錢?」

網上又傳圖片,顯示發行商勤力德通知報貼,只要張貼反佔中海報一星期,會有100元津貼。周融表示:「如果黎智英先生撥亂反正,調過來支持反佔中,願意每個報攤俾100蚊,要佢哋貼一啲反佔中海報,我哋無任歡迎。」

早前有出席工聯會反佔中遊行的女示威者,錯喊周融為「張融」,周融稱自己並不介意,「其實冇一個人重要,係和平重要。你叫我做周融、叫我做張融、叫我做薑蓉、蒜蓉,係完全無所謂,有乜關係?我只係大會其中一個發言人。」

對於有內地港資工廠員工爆料,指其作為政協老闆披露每位政協需交2,000個反佔中簽名,周融即高呼被抹黑,「點樣篤數啫?啲人係自動自覺埋嚟,記者應張開眼睛去現場睇,唔係聽人哋講。」他堅稱兩日內獲38萬參與聯署的市民均是「自動自覺」簽名,「唔係水唔水份,我哋講得好清楚,每人要Check身份證。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載