› 選擇地區
三藩市
紐約
洛杉磯
其他美國地區
香港 台灣 北美
 
2014年03月10日

【短片】【網民hottalk】澳門酒店職員鬧爆港客投訴成狂

建立時間 (HKT): 0310 06:00

不少港人怒斥內地客種種惡行,但當角色調換,自己成為旅客後,種種行徑同樣被鬧爆是「Cheap客」。自稱「澳門酒店小職員」的網民在社交網站facebook發表「致香港旅客的公開信」,批評港人「小小嘢就瘋狂投訴」,目的只為向酒店「攞着數」。該封公開信被網民瘋狂轉載,有大量澳門網民留言贊同,並分享港客種種「腌尖腥悶」行徑。有香港網民慨嘆,不少港人「一出外就變蝗蟲」。

該篇公開信最初被上載至facebook,但其後已被刪除,不過有人預先截圖後繼續轉載。「澳門酒店小職員」指,香港旅客經常因小事投訴,「拍晒台要見經理」,但投訴一輪後獲贈生果紅酒、免費早餐、升級套房「即刻收晒聲,仲唔小心跌咗個勝利笑容出嚟」,指香港旅客已被澳門同行標籤為「R友」、「Cheap客」,又指風水輪流轉,寄語港人要「積返啲口德」。

有不少自稱是澳門居民訴苦指,指港人「投訴成狂」,「好多香港人真係出名難服侍,冰封三尺非一日之寒」。有網民留言指,曾經不小心濺出數滴紅酒在小女孩的裙子上,該對港人父母隨即大發雷霆向經理投訴,更指該條絲質裙價值三萬元,要求賠償。

有香港網民不忿「被踩」,反指澳門人做事「慢五拍」,引發罵戰,有澳門人稱:「我哋澳門細細,又冇700萬人咁多咁逼,咁大壓力,唔需要吓吓都趕住投胎地做人。」不過,有不少香港網民都承認,港人投訴文化盛行,呼籲大家將心比己,「禮貌別人等於尊重自己」。

【網民有話說】
BrianHinKitLai:好多香港人真係出名難服侍,冰封三尺非一日之寒。

KennethPang:公道啲,所謂「少少嘢」係乜嘢先?可能間房爆屎渠佢哋都覺得係少少嘢喎!

ArNick:大陸人要面!錢佢照比!香港人要面!錢佢唔比。這句是聽澳門某個的士司機講。

LeungWingSze:食完個雪糕,話唔好味嚟投訴,要求退錢送果籃,但唔好食你做乜又食晒呢?我係香港人都覺得「R友」煩。

FancoAu:香港人真係又cheap又麻煩好多,大陸人最多得個嘈字。

KaiWing:人哋打份工,你都係度個假,為咗少少便宜搞到自己冇晒形象,人地睇你唔起為乜?其實R嘢R折呢啲行為同蝗蟲有咩分別?

LimChoTam:自從香港設立乜投訴、物投訴機制後,香港很多人不問自己錯在先,總是我唔開心唔滿意就要投訴。香港人有些真的被寵壞了。

MingMo:一樣米養百樣人,唔可以用地方黎標籤啲無禮貌的人。不過依家的學校仲有幾多係在着重教育禮貌方面,間間都係求分數。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載