蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月16日

【短片】【李八方online】TVB新聞部集體食物中毒

彭國柱多年前搭艇仔出海做live暈船浪搞到嘔,有關短片依家YouTube仲睇到,今次佢就因為食物中毒肚痾,真真陰功。
建立時間 (HKT): 0116 06:00

有冇發覺,呢排無綫新聞部嘅主播記者消減咗?咪以為佢哋約埋齊齊去跳鄭多燕,查實係痾嘔肚痛搞到食不下咽就真。其中一位關鍵人物彭國柱就喺facebook貼咗一段虛擬新聞稿,大爆TVB新聞部集體食物中毒嘅「獨家新聞」。

原來一班無綫現役同前記者主播,上周五約埋去土瓜灣一個單位BBQ當擺入伙酒,期間大擦鮑魚、魚、蝦、硯同羊架等美味食品同海鮮。點知多達一打人,喺事後一日陸續出現肚瀉、頭痛同神情呆滯,八方聽聞最嚴重嗰位中招者,仲要CALL白車入院留醫!

好多現役TVB記者主播呢幾日都先後攞病假休息。有現場目擊人士重組案情,相信佢哋係冇聽衞生防護中心呼籲,進食咗未經煮熟嘅海產所致。

大家係咪好關心,邊啲人痾到七彩咁陰功豬?「爆料人」彭國柱當然走唔甩,據聞吳璟儁、羅若安、何文雯、林子豪同鄭詩亭,都好可憐咁難逃一劫。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載