› 選擇地區
三藩市
紐約
洛杉磯
其他美國地區
香港 台灣 北美
 
2019年10月10日

隔牆有耳:參選撞區
永恒中場自比蜜糖咁吸引 - 李八方

曾講過唔再參選嘅馮檢基噚日報名參加區議會選舉。

永恒「中場」馮檢基返嚟喇!話說呢期選舉到,阿基即刻如雨後春筍咁凸咗出嚟,報名參加區議會換屆選舉。返老巢深水埗麗閣?不了,阿基轉咗場去油尖旺嘅尖沙咀西啦。嗰度有乜咁吸引呢?唔知喎,可能因為可以同其他民主派撞區啩?咁點解又要撞區呢?阿基話因為佢係蜜糖咯!

反送中唔見人 er住稱有遊行

年幾前已經話係最後一次參選嘅阿基,每次再返出嚟選都有苦衷嘅。今次嘅苦衷係因為民主派想搵人去白區挑戰建制派,咁佢咪好似捱義氣咁出嚟咯,仲話同區嘅素人後過佢出,又唔肯傾、又堅持喺該區出參選,咁咪一句參選係每個人嘅政治權利作結。

咁點解硬係要撞區?佢話「可能馮檢基係蜜糖啦,好多嘢『嬲』到返嚟」,又確實係幾吸嬲嘅。咁到底阿基算係乜派、邊路人馬?佢話自己係「無政黨嘅民主派」,民主派呢幾個月都投入反送中,問阿基反送中嗰陣去咗邊?佢話「er……我一路都係er……有參與一啲er……民陣嘅遊行」。原來係咁,唔該晒!而網民對阿基咁講好大意見,話班「老人家」好似何俊仁、李卓人都敢接民陣手,冇不反對通知書都出嚟帶頭遊行,求其話有去民陣遊行就叫參與咗?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載