› 選擇地區
三藩市
紐約
洛杉磯
其他美國地區
香港 台灣 北美
 
2019年09月11日

隔牆有耳:娥特最愛閘大大
巡黨鐵都要獻媚? - 李八方

自從港鐵變成市民同網民口中嘅「黨鐵」後,各大港鐵站成為抗爭目標,有和理非市民喺站入面用和平方式抗議,但因差人成日走入站內「執法」,結果又變成勇武抗爭者上場,星期日網民發起「香港人權與民主法案祈禱會」後,激進抗爭者破壞港鐵中環站,但亦有無辜年輕人喺大埔站俾「執法」差人打到頭破血流,但特首林鄭月娥似乎關心港鐵入閘機有冇事,多過無辜年輕人俾差人打。

「唔能夠無生命就破壞」

林鄭噚日出席行會見記者,雖然傳媒廣泛報道周日差人為搜捕示威者,喺港九新界多個港鐵站拉人,傳媒仲拍到大埔站有無辜年輕人俾差人打到頭破血流,不過林鄭冇慰問呢啲市民,反而譴責有「暴徒」喺遊行後破壞港鐵設施,形容對港鐵破壞係「瘋狂式破壞」,仲話唔能夠因為設施無生命就肆意破壞喎!

其實林鄭周一已去過中環站視察車站內外損毀情況,政府發嘅相仲見佢好小心睇啲入閘機,所以林鄭噚日呢番話,即俾網民瘋傳及揶揄,話佢緊張入閘機多過人命,有網民話可能因「入閘機」姓「閘(習)」,所以林鄭咁緊張!亦有插畫師、網民畫漫畫、改圖諷刺林鄭。其實世界上冇無緣無故嘅恨,點解和理非市民、激進抗爭者都針對港鐵?港鐵為何會變成市民口中嘅「黨鐵」?港鐵、政府自己反思吓!

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載