› 選擇地區
三藩市
紐約
洛杉磯
其他美國地區
香港 台灣 北美
 
2019年08月14日

隔牆有耳:房署容不下一個「眼」字 - 李八方

警察喺持續嘅反修例風波中,濫暴濫權無日無之,人人得而誅之,點知房署竟然「助紂為虐」?民協社區幹事徐溢軒星期一喺幸福邨辦事處貼出一張寫有「眼」字嘅黑底白字海報(圖),噚日旋即被房署聲稱「無資訊性」而拆走,徐溢軒批評房署政治審查越來越嚴重,又質疑房署作為行政機構,根本無權審議海報內容,佢會去信要求房署交代。

指無資訊性要求拆走

八方問過徐溢軒,佢話日前一名反修例女示威者喺尖沙咀懷疑被警方布袋彈所傷,令右眼眼球爆裂、或因而失明,佢即時製作寫有「眼」字嘅黑底白字海報,海報上並未印有任何其他字句,要求喺幸福邨嘅公眾位置張貼。佢話房署喺星期一一度批准張貼,但噚日下午就話內容「無資訊性」,要求除去,徐溢軒拒絕,房署就自己派人拆走海報。
徐溢軒話有關嘅政治審查已經唔係第一次,之前房署曾經話「血洗元朗」字眼好暴力,唔畀張貼,早前又要求海報要遮走「特首下台」部份先可以貼,而有關情況之前唔會發生。佢話見到房署政治審查越來越嚴重,言論空間越來越窄,會去信要求房署交代。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載